iklan

COVALIMA, POLÍTIKA

Veteranu Covalima kria grupu hakiak animál

Veteranu Covalima kria grupu hakiak animál

Prezidente Konsellu Veteranu Munisípiu Covalima, Osório Soares ‘Mausoko’. Imajen Tatoli/Celestina Teles.

COVALIMA, 19 jullu 2022 (TATOLI)–Prezidente Konsellu Veteranu Munisípiu Covalima, Osorio Soares Mausoco, hateten veteranu ho grau 0 -3 no 4 -7 hahú kria grupu hodi hakiak animal hodi sustenta sira-nia moris.

Notísia Relevante: CCLN-SASCAS sei atribui osan ba grupu veteranu halo atividade ekonomia

“Ami hato’o proposta liuhosi SASCAS atu haree ba veteranu grau 0-3 no 4-7 tanba ne’e Govermu liuhosi konsellu veteranu halo proposta ba Governu kria grupu hodi hakiak animál sira-nia osan liuhosi SASCAS,” Osorio Soares “Mausoko” hateten ba Agencia Tatoli, iha aldeia Asu Maten, suku debos, tersa ne’e.

Maske iha konsellu veteranu Covalima seidauk iha orsamentu, maibé haruka ona proposta hodi forma grupu haruka ba nasionál atu halo aprovasaun.

Grupo sira-ne’e forma ona iha postu administrativu sira hanesan iha postu administrativu Zumalai grupu rua (2), Tilomar ida (1) no postu Fatululik grupu ida (1).

Veteranu sira grau 0-3 no 4-7 ne’ebé kada fulan la simu subsídiu ne’e kria ona grupu haat (4) maibé bazea rezultadu enkontru foin lalais ne’e atu aumenta tan grupu, nune’e sé de’it mak iha interrese atu forma foti formuláriu iha Konselu Veteranu lori ba iha nasionál.

Inisiativa ne’e hosi Servisu Apoiu Sosiedade Sivil no Auditória Sosial (SASCA) hamutuk ho Konselu Kombatente Libertasaun Nasionál (CCLN, Sigla Portugés) forma grupu ba veteranu sira ho grau 0-3 no grau 4 -7 hodi hakiak animal hanesan manu, fahi no karau no ikan.

Grupu veteranu sira ho grau 0-3 no grau 4-7 sei fahe osan hanesan hosi totál osan hamutuk 38.000 hosi orsamentu ne’e fahe estudante nivél ensinu sukundáriu $10,00, veteranu forma grupu $20,000 no osan transpote no komvultivél hamutuk $8000.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!