Governu no Banku Mundiál sei selebra akordu finansiamentu projetu fornesimentu bee-moos
DILI, 20 jullu 2022 (TATOLI)—Governu liuhosi reuniaun Konsellu Ministru (KM), kuarta ne’e, delibera ona hodi autoriza Ministru Finansa (MF), Rui Augusto Gomes, atu selebra akordu finansiamentu ho Banku Mundiál ba projetu fornesimentu bee-moos iha Dili.
“Akordu ne’e ho objetivu atu halo kontratasaun empréstimu ida ho valór besik millaun $121, ho períodu maturidade tinan-40, hodi finansia projetu fornesimentu bee iha Dili,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.
Notísia relevante: Empreza GT internasionál Taiwan apoia BTL, E.P halo jestaun rekursu bee-moos
Nune’e, programa ne’e sei dezenvolve liuhosi finansiamentu ho durasaun tinan-hitu, ba komponente tolu hanesan dezenvolvimentu infraestrutura abastesimentu bee nian, hadi’a kapasidade institusionál servisu sira ba setór bee-moos no hadi’a jestaun projetu sira.
Jornalista : Antónia Gusmão
Editora : Julia Chatarina
