iklan

COVALIMA, SAÚDE

Vasina Pfizer doze dahuluk iha Covalima atinje ona 100%

Vasina Pfizer doze dahuluk iha Covalima atinje ona 100%

Mediku sira Vasina Pfizer Covid-19 ba estudante sira iha Dili 30/11/2021.Imajen TATOLI/Antonio Goncalves

COVALIMA, 20 jullu 2022 (TATOLI)–Diretóra Servisu Saúde Munisípiu Covalima, Maria de Fátima Moniz informa, imunizasaun vasina Pfizer doze dahuluk ba labarik sira ho idade 12 no menus hosi 18 iha Covalima atinje ona 100%.

Notísia Relevante: Vasina Pfizer doze dahuluk iha Covalima atinje ona 87%

“Bazea ba enumerasaun 7,734 imunizasaun vasina Pfizer doze dahuluk ba labarik sira ho idade 12 no menus hosi 18 iha Covalima atinje ona 100% ekivalente ba númeru ita atinje ona 8,450 ba doze daruak ita atinji ona 94% ekivalente ba númeru 7,258, nune’e falta de’it ona 6% atu atinje 100%,” Maria de Fátima Moniz hateten ba Agência Tatoli, iha Sentru saúde Maucatar, kuarta ne’e.

Tuir alvu atu halo imunizasaun vasina ba labarik sira ho idade 12 no menus hosi 18 iha eskola 30 iha Covalima no hosi eskola sira-ne’e pesoál saúde sira kobre iha ona, nune’e dadus vasina Pfizer atinje ona 100% no doze daruak mós falta de’it ona 6%.

Vasina Pfizer doze daruak atu ajinte 100%, pesoál saúde sira iha estratéjia koordena ho profesór da turma hodi rekola kartaun kinur hosi estudante sira hafoin profesór sira halo alista ba estudante sira-ne’ebé mak kompleta ona vasina no balun seidauk kompleta.

Hafoin profesór sira rekolla no halo rejistu, sira informa ba iha sentru saúde nune’e pesoál saúde sira fó imunizasaun vasina doze daruak ba estudante sira.

Aleinde informa kona-ba vasina Pfizer maibé nia mós informa imunizasaun vasina Booster alvu ba ema na’in-31,816 no hosi númeru ne’e kobre ona 9,165 no foin atinje 29%, nune’e  pesoál saúde sira kontinua halo esforsu, tanba imunizasaun vasina Booster foin mak atinje 29% hodi halo estratéjia hanesan iha loron populasaun hasoru malu iha rmerkadu, pesoál saúde sira fó imunizasaun ba sidadaun sira.

“Ami esforsu nafatin halo estratéjia hanesan eventu kalan hodi kobre vasina ami identifika loron merkadu kada postu administrativu sira,” nia dehan.

Notísia Relevante: Hasa’e taxa partisipasaun, pesoál saúde Cavalima vasina komunidade iha fatin públiku

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!