HEADLINE, MUNISÍPIU, NASIONÁL, SEGURANSA, VIQUEQUE

Ema deskoñesidu asaltu abitante ida iha Uatulari

Ema deskoñesidu asaltu abitante ida iha Uatulari

Komadante PNTL interinu Eskuadra postu Uatulari, Cestino Pinto. Imajen Tatoli/Vitorino Lopes da Costa

VIQUEQUE, 21 jullu 2022 (TATOLI)–Komadante Polísia Nasionál Timor Leste (PNTL) interinu eskuadra postu Uatulari, Cestino Pinto, haktuir, iha kinta maizumenus tuku 01:00, ema deskoñesidu asaltu abitante ida naran Nunu Soares (31) no hadau osan, iha aldeia Liakaiwa, suku Makadique, postu administrativu Uatulari, munisípiu Viqueque.

“Hodi kalan ami to’o duni iha fatin akontesimentu, maibé ami to’o ne’ebá ema halai lakon hotu. Nune’e ami lori vítima mai Eskudra Uatulari hodi rekolla informasaun hosi vítima,” Komandante PNTL interinu hateten ba Agência Tatoli, via telefónika, kinta ne’e.

Notísia relevante: Ema deskoñesidu taa pasajeiru ida iha Uatulari

To’o agora seidauk hatene motivu hosi akontesimentu ne’e tanba ne’e PNTL sira sei nafatin rekolla dadus no buka tuir suspeitu.

“Bazeia ba vítima nia deklarasaun, vítima hein armazen bataku iha aldeia Liakaiwa no bainhira vítima sente dukur, nia fila bá uma atu deskansa, nune’e bainhira foin sai hosi portaun armazen, iha suspeitu na’in-rua ho motorizada, uza kapsete no masker, hein hela iha portaun no hapara vítima, la ko’alia buat ida no mai tuku vítima dala-ida. Nune’e, kona iha vítima nia ibun halo vítima monu ba rai no suspeitu hadau vítima nia pasta ho osan hamutuk $645 no lori halai,” nia haktuir.

Hafoin akontesimentu ne’e, vítima telefone kedas ba Polísia Eskuadra Uatulari no parte Polísia mai kedas iha fatin akontesimentu no lori vítima ba Eskuadra.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!