iklan

NASIONÁL, EDUKASAUN

2012-2022, INDMO akredita ona sentru formasaun 27 iha territóriu nasionál

2012-2022, INDMO akredita ona sentru formasaun 27 iha territóriu nasionál

Sentru Treinamentu Vokasionál Juventude (STVJ) Comoro finaliza ona formasaun movel ba benefisiáriu na’in-30 iha munisípiu Covalima. Imajen/Doc.STVJ Comoro.

DILI, 22 jullu 2022 (TATOLI)—Jerente Programa Planeamentu no Parseria, Jaquelina de Aitara Sarmento, informa hahú hosi tinan 2012 to’o 2022 Institutu Nasionál Dezenvolvimentu Mão de Obra (INDMO) akredita ona sentru formasaun hamutuk 27 iha territóriu nasionál.

“Iha tinan 2012 to’o tinan ne’e, INDMO akredita ona sentru formasaun 27 iha territóriu nasionál,” Jaquelina de Aitara Sarmento informa ba Agência Tatoli, iha nia kna’ar fatin, Dili, sesta ne’e.

Sentru formasaun 27 ne’ebé akreditadu ne’e hosi Organizaun Naun Governamentál (ONG) ida (1), hosi Governu lima (5), hosi Igreja hitu (7), hosi Universidade rua (2) no hosi Empreza hamutuk12.

Sentru formasaun akreditadu ne’ebé mai hosi ONG mak HIAM Health-Manleu-Dili, sentru formasaun akreditadu ne’ebé mai hosi Governu mak Centro Nasionál de Emprego e Formação Profissionál (CENFP) Tibar. Políce Academy, Centro Formação Tecnica em Comunicação (CEFTEC), Institutu de Apoio ao Dezenvolvimento Empresariál (IADE) no Centro Nasionál do Formação Professionál (CNFP) Becora.

Sentru Formasaun akretidatu ne’ebé mai hosi Igreja mak Sentru da Paz St. Isabel “Formação integrál de jovens e crianças” (CFIJC) Canossa Manatuto, Sentru formasaun Filhas de Maria Auxiliadora (Centro Formação Computer Balide, Centro Formação Cumputer Fuiloro no Centro Formação João Paulo II Comoro), Sentru Treinamentu Integral Dezenvolvimentu (CTID) Baucau, Centro Formasaun Tecnico Dom Bosco Comoro, Canossa Vocational Training Center (CVTC-Suai), Claretiano Treining Center (CTC) Salele-Suai no Sentru Formasaun Prefísionál  Ir. Carlos Gamba, SDB, Fatumaka, Gariuai, Baucau.

Sentru formasaun akreditadu ne’ebé mai hosi Universidade mak Dili Institute of Tecnology (VET-DIT) Dili no English Language Center (ELC) iha Universidade Nacional Timor-Lorosa’e (UNTL).

Sentru Formasaun akretidatu ne’ebé mai hosi empreza mak Sentru Treinamentu Vokasionál Juventude (STVJ) Comoro, Sentru Treinamentu Vokasionál Juventude (STVJ) Camea, Sentru Treinamentu Vokasionál Juventude (STVJ) Gleno, Sentru Treinamentu Vokasionál Juventude (STVJ) Bairro Pite, Centro Treinamentu Vizaun Foinsa’e Baucau no Dili, Sentru formasaun East Timor Development Agency (ETDA), Sentru Dezenvolvimentu Rekurse Aprendizajem (SDRA), Industry Safety Assessmen Training (ISAT), Dili Institute of Technology (DIT) Dili, Centro Dezenvolvimento Comunitaria (CDC) Baucau, EIROS Entrepreneur Institute (EEI) no Community Housing Limited (CHL).

“Sentru formasaun hirak ne’e mak akreditadu ona hosi INDMO,” nia dehan.

Maske nune’e, nia esplika, kritéria ba sentru formasaun akreditadu hanesan, dahuluk sira tenke liuhosi prosesu rejistu ne’ebé agora daudaun bolu lisensiamentu. Tanba, sentru formasaun sira tenke hetan uluk sertifikadu lisensiamentu hosi INDMO mak sentru formasaun sira bele aplika fali ba akreditasaun.

“Entaun, iha prosesu akreditasaun ne’e, iha kritéria barak mak ita haree liu-liu ba sira-nia fasilidade ekipamentu, rekursu finanseiru, rekursu ema, sira-nia fatin, formadór sira tenke iha backgraund ba área espesifiku no sira mós tenke iha sertifikadu haat (4) ba iha treinamentu ne’e rasik. Hanesan, oinsá dezeña kurrikulu no dezeña planu sesaun, ida-ne’e mak sira tenke kompleta hotu. Hosi ne’e ekipa INDMO sei tun ba halo monitorizasaun no verifikasaun, loos ona mak sira foin hetan akreditasaun ba sira-nia sentru no programa,” nia dehan.

Kona-ba sentru formasaun ne’ebé rejistradu iha INDMO nia dehan, daudaun ne’e INDMO rejistu ona sentru formasaun hamutuk 93 iha territóriu nasionál.

Jornalista : Nelia Fernandes

Editór     : Cancio Ximenes

iklan
iklan

Leave a Reply

iklan
error: Content is protected !!