BOBONARO, HEADLINE, MUNISÍPIU, POLÍTIKA

PDHJ Bobonaro enkoraja Tatoli kontinua divulga informasaun kredivel ba sosiedade

PDHJ Bobonaro enkoraja Tatoli kontinua divulga informasaun kredivel ba sosiedade

Diretór PDHJ Delegasaun Territoriál Maliana, munisipiu Bobonaro, Domingos Pinto Tavraes. Imajen Tatoli/Sérgio da Cruz.

BOBONARO, 26 jullu 2022 (TATOLI) – Diretór Provedoria Direitu Humanusno Justisa (PDHJ), Delegasaun Territoriál Maliana, munisípiu Bobonaro, Domingos Pinto Tavares, enkoraja Agência Tatoli, Insititútu Públiku, atu kontinua divulga informasaun kredivel no justu ba públiku.

Domingo Pinto Tavares hato’o felitasaun ne’e relasiona ho aniversáriu Agência Tatoli nian ba dala-neen ne’ebé sei realiza iha loron 27 fulan-jullu tinan 2022.

Tuir nia, ezisténsia Tatoli ba dala-neen nu’udar idade ne’ebé bele konsidera maduru ona no ema ida karik iha ona iddade labarik ne’ebé hatene ko’alia, hatais no ba eskola rasik no halo buat hotu.

Notísia relevante: PR Horta enkoraja TATOLI kontinua públika informasaun loos ba públiku  

“Ha’u lori ekipa PDHJ delegasaun territoriál Maliana, hato’o parabéns ba Tatoli ne’ebé halo tinan ba dalan-neen, ho aumenta tinan imi kontinua halo serbisu didi’ak, profisionál no dedika imi-nia aan hodi disemina no divulga informasaun ne’ebé kredivél, justu ba ita-nia sosiedade,” nia imforma ba Tatoli,iha Maliana.

Diretór ne’e mós nota katak públikasaun Tatoli durante ne’e di’ak no kapás tebes tanba korresponde duni ba situasaun reál ne’ebé akontese iha rai laran, maibé nia sujere ba oin presiza hakle’an Redasaun atubele identifika valór notísia ne’ebé merese hato’o ba públiku.

“Ha’u fó ezemplu de’it, sé ita hakarak esplika konteúdu ida karik, esplika la naruk liu, nia bele badak, pelumenus informasaun sira-ne’e bele tama hotu, maibé importante liu mak imi-nia kredibilidade, tanba informasaun ne’e ema lé, hanesan etu ida karik, ema haan, maibé iha ema balu haan lalais, hakarak tolan no balu sei haree didi’ak mak haan,” nia fó hanoin.

Responsável PDHJ Maliana ne’e mós husu ba Tatoli atu nafatin halo serbisu jornalizmu kumpre nafatin kódigu étika no lei komunikasaun sosiál, nune’e informasaun ne’ebé publika ba sosiedade bele simu no nafatin hetan konfiansa hosi fonte.

TATOLI.IP nu’udar transformasaun husi ETNA (East Timor News Agency), ne’ebé depois nakfila ba ANTIL (Ajénsia Notisioza Timor-Leste). Ajénsia estadu ne’e hetan aprovasaun iha Konsellu-ministru no públika iha Jornál Repúblika iha loron 14 marsu 2016, nu’udar embriaun ho naran ANTIL.

ANTIL ne’e lansa husi Primeiru-ministru, Rui Maria de Araújo, iha loron 27 juñu 2016. Iha marsu 2017, Konsellu-ministru aprova ANTIL sai TATOLI, nu’udar ajénsia ofisiál estadu Timor-Leste nian no publika iha Jornál Repúblika. TATOLI ho nia estatutu rasik nu’udar Institutu Públiku (IP).

Objetivu primeiru estabelese ajénsia estadu Timor-Leste mak sai fontes informasaun ofisiál estadu Timor-Leste ne’ebé iha kapasidade no kbiit elabora produtu informasaun no notísia ne’ebé nesesita husi públiku utilizadór informasaun iha eskala nasionál, rejionál no internasionál.

Segundu mak nu’udar implementadór konstituisaun ne’ebé sai dever governu nian atu fó servisu oferesimentu informasaun ne’ebé kredivel no loos nomós sai direitu informasaun sosiedade Timor-Leste ne’ebé ne’ebé garantidu husi artigu 40 no 41 konstituisaun Timor-Leste nian.

Terseiru mak nu’udar instituisaun komunikasaun informasaun, Ajénsia TATOLI.IP la’ós de’it sai produtór informasaun maibé mós bele iha papel nu’udar “National information clearing house” ne’ebé iha tarefa fó klarifikasaun no informasaun serteza, halakon misinformasaun no disinformasaun. Bele sai nu’udar “área istória” no “eskritór istória” pátria, nasaun, sosiedade nomós nu’udar “maklibur no fornesedór informasaun públiku”.

Kuartu mak halo ajénsia notisioza TATOLI.IP nu’udar padraun minimál kompeténsia jornalístika ba jornalista Timor-Leste ne’ebé sempre bele produz produtu informasaun-kareira jornalístika ne’ebé iha kualidade tuir dinámika sosiál no nesesidade informasaun sosiedade nian.

“Fenómena no dinámika sosiál” ne’ebé “dinámika komunikasaun” ne’ebé estimula ho dezenvolvimentu teknolojia komunikasaun-informasaun lori konsekuénsia iha Timor-Leste ho paradigma  nesesidade informasaun públiku iha ne’ebé TATOLI nu’udar ajénsia notísia nasionál Timor-Leste ne’ebé la’ós de’it ezije atu bele fornese pakote informasaun iha kontextu “mainstream” maibé iha futuru bele mós obrigadu produz informasaun alternativa ho karakter “taylor made” ne’ebé propoen husi utilizadór informasaun determinada.

TATOLI nu’udar ajénsia notísia Timor-Leste ho karakter multikanál, multimedia, multiplataforma no multitarefa ne’ebé bele mós dezenvolvidu no iha funsaun nu’udar sentru produsaun filme no dokumentasaun nasaun, sentru opiniaun públiku nomós fórum informasaun públiku, sentru jestaun arkivu no dokumentu nasaun nomós sentru edukasaun-formasaun peskiza no dezenvolvimentu komunikasaun aplikada.

Funsaun oinoin, papél, abilidade no feramenta komunikasaun institusionál ajénsia notisioza ne’e iha nia tempu bele fontes konsumu ba ajénsia notisioza ne’ebé posibilita ajénsia notísia Timor-Leste ne’e moris, krexe no dezenvolve nu’udar instituisaun komunikasaun ho karakter “income generate” (bele rezulta konsumidór) no la bebeik nu’udar “cost center” (sai pezu finanseiru).

TATOLI.IP nu’udar ajénsia notísia nasionál Timor-Leste ne’ebé moris, krexe, ne’ebé dezenvolve ho jestaun ne’ebé profisionál, apoiadu husi rekursu umanu ne’ebé kompetente ho apoiu saláriu minimál ne’ebé sufisiente no ho apresia kompeténsia no kapasidade nia jornalista sira halo bele sai “modelu” no “padraun indústria komunikasaun-informasaun no prátika jornalístika” futuru ne’ebé ho kualidade-dignidade nu’udar inventáriu nasionál Timor-Leste.

Jornalista   : Sérgio da Cruz

Editór         : Evaristo Saores Martins

iklan
iklan

Leave a Reply

iklan
error: Content is protected !!