DILI, EDUKASAUN, HEADLINE, NASIONÁL

Estudante 17.195 iha Dili prepara tuir ezame nasionál

Estudante 17.195 iha Dili prepara tuir ezame nasionál

Ilustrasaun ezame. Imajen/Espesiál

DILI, 01 agostu 2022 (TATOLI)–Diresaun Servisu Edukasaun Munisípiu Dili (DSEMD) finaliza ona verifikasaun dadus estudante finalista hamutuk 17.195 iha Dili atu tuir ezame nasionál ne’ebé sei realiza iha outubru tinan ne’e.

“Númeru estudante 17.195 ne’e konsidera finál ona, signifika konklui ona prosesu verifikasaun hotu ne’ebé diresaun halo liuhosi lista hosi eskola sira,” Diretór Servisu Edukasaun Munisípiu Dili, Carlito da Silva, hateten, ba Agência Tatoli, iha ninia knaar fatin, Vila Verde, segunda ne’e.

Notísia relevante: Dadus provizóriu: estudante 17.283 hosi Dili sei partisipa ezame nasionál

Estudante finalista ne’ebé DSED verifika ona, hosi Ensinu Báziku terseiru siklu ho totál 7.007, kompostu hosi mane 3.685 no feto 3.322, ho sala aula hamutuk 371 no ezaminadór 742.

Aleinde ne’e, parte diresaun halo ona identifikasaun ba estudante finalista hosi Ensinu Sekundáriu Jerál atu tuir ezame nasionál iha tinan ida-ne’e hamutuk 9.058, hosi Siénsia Sosiál Umana 4.381, kompostu hosi mane 2.399 no feto 1.982, iha sala aula 232 no ezaminadór 464.

Estudante finalista hosi Siénsia Teknolojia ho totál estudante 4.677, kompostu hosi mane 1.964 no feto 2.713, ne’ebé sei utiliza sala aula 248 no ezaminadór 496.

Enkuantu, Eskola Ensinu Sekundáriu Tékniku Vokasionál ho totál estudante 1.130, kompostu hosi mane 706 no feto 424, sei uza sala aula 63 no ezaminadór 126.

Eskola mós halo ona identifikasaun ba fasilidade sala aula ne’ebé estudante finalista 17.195 atu utiliza iha tempu ezame nasionál ne’e hamutuk 914 no ezaminadór 1.828.

“Ha’u sei preokupa fasilidade sala aula ba estudante sira tanba eskola barak sei iha hela prosesu reabilitasaun, ne’ebé ita hein katak agostu ne’e bele finaliza ona, nune’e iha outubru nia laran estudante sira bele uza tuir ezame nasionál,” nia dehan.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!