COVALIMA, POLÍTIKA

BTL, E.P instala ona mákina bomba bee foun iha Sukabi Laran

BTL, E.P instala ona mákina bomba bee foun iha Sukabi Laran

Tékniku Bee Timor-Leste Empreza Públika (BTL, E.P) Covalima instala ona mákina bomba bee foun iha aldeia Sukabi Laran, suku Suai Loro, munisípiu Covalima. Imajen/Espesiál.

COVALIMA, 02 agostu 2022 (TATOLI)–Koordenadór BTL, E.P Covalima, Castro Dodi Ramos hateten, Bee Timor-Leste Empreza Públika (BTL, E.P) Covalima instala ona mákina bomba bee foun iha aldeia Sukabi Laran, suku Suai Loro, munisípiu Covalima.

Notísia Relevante: BTL, E.P Covalima la distribui bee ba komunidade tanba bomba avaria

“Iha fulan-jullu nia-laran BTL, E.P iha problema uitoan relasiona ho mákina bomba bee ne’ebé avaria durante ne’e halo komunidade labele asesu bee-moos. Hafoin mákina bomba avaria ami haruka kedas karta ba iha nasionál mai hodi identifika mákina bomba bee avaria maibé ekipa tékniku sira halo instalasaun mákina bomba bee foun,” Koordenadór BTL, E.P Covalima, Castro Dodi Ramos informa ba Agência Tatoli, iha suku Ogues, tersa ne’e.

Hafoin bomba avaria iha 12 jullu ne’e, BTL, E.P hahú la halo distribuisaun bee-moos ba komunidade, nune’e ekipa tékniku hosi nasionál tun ba terrenu halo instalasaun mákina bomba bee foun iha loron 19 jullu no iha loron 20 jullu hahú halo operasaun, nune’e kontinua distribui bee-moos ba komunidade ho oráriu ne’ebé normál.

Oras ne’e daudaun, ekipa tékniku BTL, E.P rezolve ona no hahú halo ona distribuisaun bee-moos tuir oráriu ne’ebé termina ona.

Antes ne’e, iha loron 12 jullu, BTL, E,P la halo distribuisaun bee-moos ba komunidade iha área urbana tanba mákina bomba bee avaria.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!