DILI, EDUKASAUN, HEADLINE, NASIONÁL

Estudante finalista 2.942 iha Liquiçá sei partisipa ezame nasionál

Estudante finalista 2.942 iha Liquiçá sei partisipa ezame nasionál

Ilustrasaun ezame. Imajen/Espesiál

DILI, 02 agostu 2022 (TATOLI)–Estudante finalista hamutuk 2.942 hosi Ensinu Báziku terseiru siklu, Ensinu Sekundáriu Jerál no Tékniku Vokasionál iha munisípiu Liquiçá preparadu partisipa ezame nasionál ne’ebé sei realiza iha outubru tinan ne’e.

Xefe Departamentu programa edukasaun munisípiu Liquiçá, João Pinto dos Santos, relata katak totál dadus ne’ebé rekolla ona hamutuk 2.942 hosi kategoria dadus hosi ensinu tolu nian.

Ita iha ona dadus jerál estudante finalista hosi munisípiu Liquiçá, hahú hosi Ensinu Báziku, Ensinu Sekundáriu Jerál no Ensinu Sekundáriu Tékniku Vokasionál nian ne’ebé daudaun ne’e rekolla hotu ona ho totál 2.942,” Xefe Departamentu hateten ba Agência Tatoli via telefónika, tersa ne’e.

Notísia relevante: Estudante 17.195 iha Dili prepara tuir ezame nasionál

Totál dadus estudante finalista tinan 2022, ba Ensinu Báziku terseiru siklu iha 1.693 kompostu hosi mane 873 no feto 920 hosi eskola 14.

Aleinde ne’e, parte diresaun rejista dadus estudante hosi Ensinu Sekundáriu Jerál hamutuk 1.121 kompostu hosi departamentu Siénsia Teknolojia 608 no Siénsia Sosiál Umanidade 513.

Enkuantu, estudante finalista hosi eskola Ensinu Tékniku Vokasionál, tuir dadus ne’ebé parte Diresaun rekolla iha de’it estudante hamutuk 128 maka sei partisipa ezame nasionál kompostu hosi mane 68 no feto 60.

“Ita-nia estudante Tékniku Vokasionál hamutuk 128 mai hosi eskola rua, ida iha Leorema no ida seluk fali iha Liquiçá vila,” nia tenik.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!