DILI, EDUKASAUN, EKONOMIA, HEADLINE, NASIONÁL

IPB hetan pakote fiskál millaun $1,2 ba tinan 2023

IPB hetan pakote fiskál millaun $1,2 ba tinan 2023

Prezidente IPB, Acácio Cardoso Amaral. Imajen Tatoli/Egas Cristóvão

DILI, 02 agostu 2022 (TATOLI)–Prezidente Institutu Politékniku Betanu (IPB), Acácio Cardoso Amaral, informa, Ministériu Finansa fahe ona pakote fiskál ho montante millaun $1,2 ba tinan 2023.

“Ministériu Finansa informa mai dehan ami-nia osan ba tinan 2023 la tun no la sa’e, maibé mantein nafatin hanesan ho tinan 2022 ho montante $1.201.241. Haree ba orsamentu ne’ebé laiha mudansa, IPB sei la hamosu tan programa foun tanba osan adisionál ne’ebé IPB husu ne’e Ministériu Finansa la aprova, tanba ne’e sira informa de’it katak orsamentu IPB mantein,” Prezidente IPB hateten ba Agência Tatoli, via telefónika, tersa ne’e.

Notísia relevante: IPB kontinua hein konstrusaun edifísiu foun

Aleinde ne’e, IPB iha kategoria rua de’it hanesan saláriu no vensimentu no bens no servisu.

“Agora kapitál menór ne’e sira fó liberdade mai ami, bainhira presiza ami bele halo transfere de’it,” nia akresenta.

Kona-ba ezekusaun orsamentu IPB ba segundu trimestrál (abríl-juñu) nian atinje ona 51,67%, hosi totál orsamentu $1.201.241,00, ne’ebé ezekusaun ne’e rasik ninia balansu hamutuk $504.931,42 no saldu atuál $527.002,09.

Jornalista   : Tomé Amado   

Editora        : Julia Chatarina

iklan
iklan

Leave a Reply

iklan
error: Content is protected !!