HEADLINE, SAÚDE

Kuba hakarak apoia Timor-Leste loke fábrika medikamentu

Kuba hakarak apoia Timor-Leste loke fábrika medikamentu

Vise-Ministru Saúde, Bonifácio Maucoli dos Reis. Imajen Tatoli/Francisco Sony

DILI, 02 agostu 2022 (TATOLI)— Vise Ministru Saúde, Bonifacio Maucoli dos Reis, informa Nasaun Kuba liuhosi nia-empreza iha interese atu apoia Timor-Leste hodi loke fábrika atu halo produsaun ba medikamentu.

“Ha’u vizita rasik ba Cuba ne’ebé sira iha interese no prontu atu apoia loke fábrika medikamentu no atu lori materia prima hodi servisu hamutuk ho Servisu Autónomu Medikamentu no Ekipamentu Saúde (SAMES) hodi halo produsaun ai-moruk iha Timor-Leste,” Vise Ministru  Bonifacio Maucoli, hateten Agência TATOLI iha SAMES, tersa ne’e.

Notísia relevante:  Xefe Estadu rekomenda Governu halo parseria loké fábrika medikamentu iha rai-laran

Nune’e, MS hahú iha planu atu trasforma SAMES, Institutu Públiku ba Empreza Públiku, hodi fasilita empreza hosi nasaun Kuba apoia ka ajuda loke fábrika medikamentu ne’e.

“Ita presiza tau osan no hetan apoia tan hosi Parlamentu Nasionál, tanba ita laiha kapasidade atu harii mesak fábrika, nune’e ita tenke servisu hamutuk  ho  nasaun Kuba atu harii  fábrika medikamentu iha ita nia rain,” Governante ne’e afirma.

Governante ne’e dehan kona-ba rai no rekursu umanu ne’e sufisiente atu loke fábrika médikamentu iha Timor-Leste.

“Ita nia rekursu umanu sira ne’e bazeia ba diploma ba iha farmaseútiku sira,  maibe ita sei koordena ho Cuba oinsá atu  garante kualidade rekursu umanu iha área produsaun medikamentu,” nia akresenta.

Antes ne’e, Embaixadór Extraordinária Plenipotensiáriu Repúblika Kuba ba Timor-Leste, Omar Lauro Marerro Betancourt, hateten empreza Kuba iha interese hakarak investe iha Timor-Leste iha área produsaun medikamentu farmásia.

Tanba nia deha, TL sei dependensia maka’as ba importasaun medikamentu husi rai-liur, tanba ne’e, Kuba hakarak tulun Governu atu sai husi situasaun dependensia hodi prodúz rasik ai-moruk iha rai-laran.

“Tanba ita haree situasaun agora TL ninian, ita depedensia 100% produtu importasaun hosi liur tanba ne’e maka ho diskusaun ne’ebé maka ita halo ne’e hakarak TL iha nia kapasidade prodúz rasik ninia produsaun farmásia nian liu-liu ai-moruk báziku sira, tanba ne’e saida maka ita bele halo maka transferénsia teknolojia hosi nasaun Kuba mai Timor-Leste, apoiu tékniku sira mai,” nia dehan.

Notísia Relevante:  Kuba hakarak investe iha produsaun farmásia 

Jornalista: Felicidade Ximenes

Editór         : Florencio Miranda Ximenes 

iklan
iklan

Leave a Reply

iklan
error: Content is protected !!