ERMERA, HEADLINE, MUNISÍPIU

Munisípiu Ermera hatama reseita trata karta kondusaun $62.340 iha jullu

Munisípiu Ermera hatama reseita trata karta kondusaun $62.340 iha jullu

Karta kondusaun. Imajen/Espesial

ERMERA, 02 agostu 2022 (TATOLI)—Xefe Ekipa hosi Diresaun Nasionál Transporte Terrestre (DNTT), Cristovão Lopes, hateten, munisípiu Ermera kontribui ona reseita $62.340, hodi hasai karta kondusaun ba karreta no motór hosi kliente hamutuk 4.156, iha fulan-jullu.

“Fulan-jullu kliente sira hosi munisípiu Ermera husu atu hasai sira-nia karta kondusaun iha Ermera, ne’ebé rejistu liuhosi Polísia Tránzitu Munisípiu Ermera rekolla reseita $62.340 ba kofre Estadu,” Cristovão Lopes, informa ba Agência Tatoli, iha Gleno, tersa ne’e.

Notísia relevante: DNTT Viqueque rekolla reseita $21.382 durante fulan-neen

Munisípiu Ermera rasik daudaun só bele atende ba kliente sira ne’ebé atu hasai karta kondusaun, maibé atu troka naran, lisensa transporte públiku, no inspensaun seidauk bele tanba munisípiu Ermera seidauk estabelese DNTT.

“Bainhira kliente sira husu atu hasai karta kondusaun, sira halo rejistu iha Polísia Tranzitu mak ami hosi nasionál mai fó teste atu troka sira-nia sim mate no seluk ne’e ba halo hotu iha Dili,” nia akresenta.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!