DILI, POLÍTIKA

PN husu MEJD aselera pagamentu faze daruak ba projetu komunitáriu

PN husu MEJD aselera pagamentu faze daruak ba projetu komunitáriu

Prezidente Komisaun G, Deputadu António Verdiál. Imajen Tatoli/Nelson de Sousa.

DILI, 02 agostu 2022 (TATOLI)—Membru Parlamentu Nasionál (PN) husu Ministériu Edukasaun Juventude no Desportu (MEJD) atu aselera pagamentu faze daruak ba projetu komunitáriu iha territóriu.

Notísia Relevante: MEJD enfrenta problema pagamentu projetu komunitáriu

“Iha ha’u-nia kontaktu eleitorál semana kotuk ha’u ba Same, Ainaro, Maliana, Liquiça konstrusaun projetu komunitáriu ba eskola sira, ema halo hotu ona hein de’it tau taka kalen. Maibé, informasaun ne’ebé ha’u rona direta hosi ema sira-ne’ebé konstrui eskola sira-ne’e, sira hateten katak orsamentu ba faze daruk to’o ohin loron MEJD seidauk transfere orsamentu ne’e ba,” Prezidente Komisaun G trata asuntu Edukasaun, António Verdiál de Sousa, levanta iha reuniaun plenária komisaun peramente iha Parlamentu Nasionál, tersa ne’e.

Nune’e, PN husu MEJD atu asegura projetu ne’e la’o ho sustentabilidade tuir tempu ne’ebé determina.

“Favór aselera buat ne’e, tanba orsamentu ne’e tinan rua ba kotuk nian maibé hala’o iha tinan rua oin mai ne’ebé projetu ne’e se bele la’o ho sustentavel nafatin,” nia dehan.

Deputadu CNRT, Gabriel Soares, sekunda katak kona-ba atrazu pagamentu faze daruak ba projetu komunitáriu iha munisípiu sira.

“Iha Manatuto mós hanesan faze dahuluk hala’o hotu ona maibé faze daruak pagamentu atu ba foti osan hodi kontinua konstrusaun to’o agora fulan tolu no haat ona, maibé nia rezultadu laiha, entaun konstrusaun ba projetu komunitáriu sira-ne’e daudaun paradu hotu kedas to’o agora,” nia hateten.

Nune’e, husu bainhira ministéiru atu halo kontinuasaun ba projetu komunitáriu no halo pagamentu ba orsamentu faze daruak ninian to’o agora no orsamentu ne’e tau kle’ur ona tranferénsia públika maibé nia ezekusaun ne’e haree foin ezekuta no paradu fali dalan klaran.

“Tanba ami husu sira dehan problema ho Ajénsia Dezenvolvimentu Nasionál (ADN) no uluk dehan laiha problema lalais maibé to’o ikus ezekuta tiha iha problema ho AND,” nia dehan.

Ho nune’e, husu MEJD atu aselera prosesu tanba faze daruak paradu kuaze fulan tolu ba haat ona.

Deputada CNRT, Fernanda Lay, dehan osan konstrusaun ba eskola sira Governu transfere ba tiha ona BNCTL laiha razaun osan laiha atu la selu, nune’e husu komisaun G trata asuntu Edukasaun atu fiskaliza iha BNCTL.

Hatán ba kestaun ne’e, Governu liu hosi Sekretáriu Estadu Komunikasaun Sosiál (SEKOMS), Merício Juvinal dos Reis ‘Akara’, hateten nia-parte rejista hela preokupasaun ne’e sei hato’o ba MEJD hodi bele responde.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!