COVALIMA, POLÍTIKA

Verifikasaun dadus veteranu rejistadu 2009 iha Covalima finaliza ona

Verifikasaun dadus veteranu rejistadu 2009 iha Covalima finaliza ona

Prezidente Konsellu Veteranu Munisípiu Covalima, Osorio Soares “Mausoko”. Imajen Tatoli/Celestina Teles.

COVALIMA, 002 agostu 2022 (TATOLI)–Prezidente Konselu Veteranu Munisípiu Covalima, Osório Soares “Mausoko” hateten, komisaun verifikadór halo verifikasaun ba dadus veteranu rejistadu 2009 iha munisípiu Covalima ne’e finaliza ona.

Notísia Relevante: Konsellu Veteranu finaliza ona verifika dadus veteranu rejistadu 2009 iha Beco

“Foin lalais halo enseramentu verifikasaun dadus kandidatu antigu kombatente libertasaun nasionál ne’ebé rejistu iha tinan 2009 iha munisípiu covalima hamutuk na’in-8,931no hosi númeru ne’e mate no moris na’in hira ha’u seidauk hatene tanba komisaun seidauk haruka relatóriu mai ha’u,” Osório Soares “Mausoko” hato’o ba Agência tatoli, iha nia kna’ar fatin, Tabalot, tersa ne’e.

Komisaun finaliza ona halo verifikasaun hosi dadus kandidatu antigu kombatente libertasaun nasionál ne’ebé rejistu iha tinan 2009 sei hein orientasun hosi nasionál atu lori ba nasionál, tanba munisípiu seluk seidauk finaliza halo verifikasaun dadus.

Hosi dadus kandidatu antigu kombatente libertasaun nasionál ne’e sei lori ba iha nasionál hodi halo avaliasaun..

Bazea ba dadus hosi postu administrativu Fatululik, Fatumea, Fohorem, Tilomar, Maucatar, zumalai no Suai ne’ebé mai hosi suku 30 ne’e, kandidatu antigu kombatente libertasaun nasionál ne’ebé rejistu iha tinan 2009 hamutuk na’in-8,931

Durante komisaun verifikadór halo verikasaun dadus kandidatu balun la marka prezensa tanba balun moras no balun iha rai-li’ur, maibé komisaun sei fó tempu ba sira-ne’e halo verifikasaun iha nasionál.

Enkuantu, iha loron 29 fulan-jullu tinan ne’e, komisaun verikasaun dadus iha munisípiu Covalima ne’e ensera verikasaun dadus ne’ebé hala’o hosi Sekretáriu Estadu Combatente Livertasaun Nasionál Júlio da Conceição ‘Loro Mesak’ hamutuk ho ministru Obra Públika (MOP).

Jornalista : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!