HEADLINE, SAÚDE

Maiu to’o jullu, HNGV rejista pasiente sofre kankru serviks na’in-lima

Maiu to’o jullu, HNGV rejista pasiente sofre kankru serviks na’in-lima

Diretór Klínika Hospitál Nasionál Guido Valadares (HNGV), Marcelino Correia, imajen TATOLI/ Felicidade Ximenes.

DILI, 03 agostu 2022 (TATOLI)— Diretór Klíniku Hospitál Nasionál Guido Valadares (HNGV), Marcelino Correia, informa husi fulan-maiu to’o jullu, Sentru Kankru Serviks fó atendimentu saúde ba ema na’in-110, hosi númeru ne’e na’in-lima mak pozitivu kankru  serviks.

“Iha fulan maiu to’o juñu ita rejista ona pasiente check up na’in-110, hosi númeru ne’e na’in-lima mak pozitivu ba kankru serviks, ne’ebé daudaun halo hela tratamentu intensivu iha HNGV” Diretór Klíniku HNGV, hateten ba jornalista sira iha kna’ar fatin HNGV-Bidau, kuarta ne’e.

Notsia relevante:  Prevene sedu, MS-OMS lansa sentru kankru serviks iha HNGV

Nia hatutan, “Tanba sira na’in-lima nia kondisaun tama ona ba stadium rua ka tolu, signifika sira mai halo tratamentu tarde, maibé médiku sira kontinua fó tratamentu no iha posibilidade bele transferénsia ba rai li’ur”.

Nune’e, nia husu ba inan feton sira ne’ebé sente iha sintoma ka indikasaun ba problema kankru serviks mai check up hodi halo tratamentu di’ak hosi profisionál saúde sira.

Kankru serviks bele prevene no bele kura bainhira deteta sedu no tratamentu ne’ebé adekuadu, maibé sei nafatin sai kauza komun hosi mate relasiona ho kankru entre inan-feto sira iha mundu no mós iha Timor Leste.

Tuir dadus estimasaun iha Timor Leste kada tinan hatudu kazu 10 hosi kankru serviks ne’ebé akontese ba ina-feton sira hamutuk 100.000 no hosi númeru ne’e inan-feton sira na’in-neen mak mate tanba kankru serviks ne’ebé indika katak kuaze 60%, hosi kazu hirak ne’ebé diagnosa   ho faze avansadu.

Nune’e, iha tinan 2023 OMS sei introduz imunizasaun vasina Human Papilona Virus (HPV) ba labarik adolosente idade tinan 11 iha Timor-Leste.

Notísia relevante:  Redúz kankru, feto sira presiza onestu ba pesoál saúde

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!