DILI, POLÍTIKA

Presiza aumenta postu vijilánsia no membru UPF kontrola fronteira

Presiza aumenta postu vijilánsia no membru UPF kontrola fronteira

Komandante Unidade Patrullamentu Fronteira (UPF), Superintendente Euclides Belo, hala’o vizita ba postu fronteira Saburai, Bobonaro. Imajen Tatoli/Sérgio da Cruz.

DILI, 04 agostu 2022 (TATOLI)—Deputadu membru komisaun B trata asuntu Negósiu Estranjeiru, Defeza no Seguransa iha Parlamentu Nasionál (PN), Aderito Hugo da Costa, hateten presiza aumenta postu vijilánsia no aumenta membru Unidade Polísia Fronteira (UPF) hodi intensifika kontrola movimentu transaksaun ilegál iha liña fronteira terrestre.

Notísia Relevante: PM espera aumenta postu iha fronteira bele redúz pasajen ilegál

“Atividade transaksaun ilegál iha fronteira terrestre kontinua. Iha nia solusaun, ita aumenta postu vijilansia no rekursu umanu liu-liu membru UPF hodi intensifika kontrola,” Aderito Hugo da Costa hateten ba jornalista sira iha Parlamentu Nasionál, kinta ne’e.

Nia dehan, ho asisténsia apoiu bilaterál hosi Governu Austrália no Nova Zelandia aumenta postu kontrolu vijilánsia iha fronteira terrestre, maibé presiza aumenta mós postu iha Wini to’o Citrana iha Oé-Cusse tanba distánsia entre postu vijilánsia ida ho postu vijilánsia ida seluk dook tebes, depois aumenta mós rekursu membru Unidade Polísia Fronteira (UPF).

Komisaun B halo observasaun direta ba iha terrenu hosi Mota An to’o Salele, kada pontu ba postu kontrolu fronteira ba postu ida oinsá frazilidade TL nian hanesan kondisaun infraestrura, menus rekursu umanu nune’e kontinua buka diskusaun oinsá husu parte ezekutivu bele eleva no bele halo jestaun fronteira ida propriu liu ba oin.

“No, espera ho reforma ne’ebé halo hela iha setór defeza no seguransa nian bele orienta ba no kontinua investimentu iha setór ne’e hodi kontrola ita-nia fronteira ho di’ak liután,” nia hateten. Nia mós sujere ba Governu oinsá bele funsiona merkadu tradisionál iha liña fronteira ne’ebé paradu hela, no parte ida mós oinsá kontribui redús transaksaun ilegál ba sasán merkadória sira.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!