COVALIMA, EKONOMIA

Abril-Jullu: Floresta Covalima kontribui reseita $1,800 ba kofre Estadu

Abril-Jullu: Floresta Covalima kontribui reseita $1,800 ba kofre Estadu

Osan Dolar Amérika. Imajen/Espesiál

COVALIMA, 05 agostu 2022 (TATOLI)—Xefe Departamentu Reprezentasaun Territoriál Floresta Planta Indústria Covalima, Francisco Sarmento, hateten hahú iha fulan-abril to’o fulan-jullu ne’e Floresta Covalima kontribui reseita $1,800 ba kofre Estadu.

Notísia Relevante: Floresta Covalima kontribui reseita $4,125 ba kofre Estadu

“Ami kontribui reseita hahú iha fulan-abríl to’o fulan-jullu ne’e Servisu Delegasaun Territoriál Floresta Covalima kontribui ona reseita 1,800 ne’ebé kontribui reseita liuhosi lisensa negósiu,” Francisco Sarmento informa ba Agência Tatoli, iha resintu AMC, Sukaer-Laran, Covalima

Reseita ne’e Floresta Covalima kontribui liuhosi fonte reseita lisensa negósiu ba sira-ne’ebé mak halo negósiu hodi transporta ai hosi Covalima ba iha Dili, liuhosi lisensa negósiu no  identifikasaun ai iha mebel sira ko’a-ai ho dalan ilegál.

“Ita halo apreensaun ba ai ne’ebé mebel sira iha Covalima laran ne’ebé ko’a-ai ho dalan ilegál liuhosi halo pasa revista iha fatin operasaun iha mebel sira, ita fó lista sira selu iha dirasaun jeral floresta planta no indústria iha Dili,” nia dehan.

Floresta Covalima bele kontribui reseita tanba agora daudaun iha kada postu administrativu ida, Governu destaka ona guarda floresta na’in-rua ne’ebé sira hahú tama ona ofísiu.

“Ami nia korpu guarda floresta destaka ona ba kada postu administrativu ema na’in-rua (2) no iha kinta (04/08) ne’e sira tama ona iha ofísiu departamentu floresta Covalima hamutuk na’in-14 atu reforsa servisu iha munisípiu Covalima, entaun hamutuk na’in-49 ne’e sufisiente ona,” nia dehan.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!