DILI, 08 agostu 2022 (TATOLI)–Ministériu Agrikultura no Peska (MAP) liuhosi Diresaun Nasionál Irrigasaun sei implementa tan projetu haat iha tinan ne’e.
Diretór Nasionál Irrigasaun MAP, Martinho Laurentino Soares, hateten, projetu haat ne’ebé sei implementa mak hanesan edifísiu MAP andar lima no irrigasaun tolu.
“Ita atu halo irrigasaun hanesan hanesan Mota Irabere ne’e sei kobre ba munisipíu Viqueque no Lautém, mota Seisal iha Baucau no Malibakar iha baliza Bobonaro,” Martinho Laurentino Soares, informa ba Agência Tatoli, iha ninia knaar fatin, MAP, Comoro, segunda ne’e.
Notísia relevante: MAP konsege rezolve irrigasaun haat hosi projetu ualu
Daudaun MAP sei prosesa dokumentu hotu no sei haruka ba Ajénsia Dezenvolvimentu Nasionál (ADN) hodi konfirma alokasaun orsamentu no haruka ba Konsellu Administrasaun Fundu Infraestrutura (KAFI).
“Ita sei kompartilla hela dokumentu tanba ita-nia dokumentu sira ne’e momentu akontese inundasaun iha loron 04 abril liubá bee estraga hotu,” nia akresenta.
Nia dehan, orsamentu ne’ebé MAP rasik prepara ba projetu haat ne’e kompostu hosi ba edifísiu MAP ho kustu millaun $16 no ba irrigasaun tolu millaun $10 resin.
Jornalista : Arminda Fonseca
Editora : Julia Chatarina
