BOBONARO, EDUKASAUN, HEADLINE, MUNISÍPIU

Projetu konstrusaun no reabilitasaun infraestrutura eskolár iha Bobonaro atinje 26%

Projetu konstrusaun no reabilitasaun infraestrutura eskolár iha Bobonaro atinje 26%

Diretór Servisu Edukasaun Munisípiu Bobonaro Crispim Moniz. Imajen Tatoli/Sérgio da Cruz.

BOBONARO,09 agostu 2022 (TATOLI)-Diretór Servisu Eduksdaun Munisípiu Bobonaro, Crispim Moniz, hateten Progresu fíziku ba implementasaun projetu konstrusaun no reabilitasaun infraestrutura rskolár (PKRIE) tinan 2022 nian ho karáter komuntária hamutuk 21 iha munisípiu ne’e atinje ona 26%.

Notísia relevante: Grupu komunitária hahú implementa konstrusaun EBF Oplegul

“Ita iha 21 projetu komunitária, provizóriu maioria atinje ona 26%, hela projetu rua mak seidauk realiza, maibé iha ona prosesu levantamentu osan nian, ida iha Mazop no ida iha Odelgomo,” nia ko’alia iha Maliana, tersa ne’e.

Nia fundamenta, projetu rua ne’e seidauk implementa tanba kondisaun dalan ladi’ak, difikulta fornesedór sira distribuí materiál fabarikadu no lokál to’o fatin projetu ne’ebé lokaliza iha área rurál.

Maibé, nia haktuir, foin lalais mak bele asesu ho di’ak tanba Institutu Jestaun Ekipamentu, Institutu Públiku (IGE, sigla sigla portugés) halo ona melloramentu.

“Iha tempu badak sira sei halo levantamentu osan ba realizasaun projetu refere, depois iha tempu badak mós hahú implementa, tanba ne’e ami sei koordena ho entidade relevante no halo monitorizasaun regulàr, inklui halo enkontru ho koordenadór projetu sira, atubele aselera andamentu projetu ne’e,” nia afirma.

Responsavél Eduksdaun munisípiu ne’e akresenta, maske implementasaun projetu hasoru difikuldade oinoin, maibé nafatin orienta traballadór sira serbisu tuir regra nune’e projetu 21 ne’e bele finaliza iha tinan ne’e.

Tuir dadus hosi servisu edukasaun munisípiu Bobonaro iha eskola filiál hamutuk 112, eskola bázika sentrál (EBC, sigla portugés) hamutuk 30, ensinu sekundáriu jerál (ESG, sigla portugés) hitu no ensinu tékniku vokasionál (TEKVOK) hamutuk ualu.

“Hosi eskola sira-ne’e iha fatin barak sei presiza nafatin reablitasaun no konstrusaun foun, entaun ita kontinua identifika hodi relata dadus ne’e ba ministériu eduksasaun no ba prezidente autoridade munisípiu atubele inklui iha projetu PDIM,” nia hateten.

Enkuantu, Ministériu Edukasaun Juventude no Desportu (MEJD) prevee $2,409.512,03 iha tinan ne’e, sei konstrui no reabilita eskola hamutuk 21 ho sala aula 76 iha munisípiu Bobonaro, ne’ebé tama iha projetu komunitária.

Tuir rekizitu grupu komuntária sira atu hahú prosesu iha faze haat, hahú hosi prosedimentu ba konstrusaun faze dahuluk eskola sira sei foti fundu 25%, faze daruak 50% hafoin foti tán 75% kompleta 100%.

Entretantu, eskola 21 iha Bobonaro ne’ebé tama projetu komunitária mak hanesan EPE Atu-Aben, EPE Rita-bou, EPE Holsa, EBC Gumer, EBC Hauba, EBF Dilai.

Nune’e mós EBF Kota Boot, EBF Mazop, EBF Odelgomo, EBF Oplegul, EBF Boloi, EBF Cara-bau, EBF Ana-pal, EBF Maliubu, EBF Ferik Katuas, EBF Molop-Taz, EBF Opa Vila, EBF Halekou,  EBF Rairobo, ESJ Númeru I Maliana no  EBF 12 Abríl Março.

Notísia relevante: Konstrusaun sala tolu iha EPE Ritabou atinje 25%

Jornalista : Sérgio da Cruz

Editór : Evaristo Soares Martins

iklan
iklan

Leave a Reply

iklan
error: Content is protected !!