Top

Atribuisaun formatu ba uma-lisan, MAKLN verifika ona dadus hosi Aileu-Ainaro

Sekretáriu Estadu Asuntu Kombatente Libertasaun Nasionál (SEAKLN), Júlio da Conceição ‘Loro Mesak’. Imajen Tatoli/Sérgio da Cruz.

DILI, 10 agostu 2022 (TATOLI)–Sekretáriu Estadu Asuntu Kombatente Libertasaun Nasionál (SEAKLN), Júlio da Conceição ‘Loro Mesak’, hateten atribuisaun formatu ba uma-lisan iha munisípiu sira hotu atu hatene membru família hira mak mate iha funu laran ne’e, ekipa MAKLN foin konklui ona halo verifikasaun dadus hosi munisípiu Aileu no Ainaro nian.

Notísia Relevante: SEAKLN atribui formatu 80-resin atu identifika ema mate iha funu

“Foin konklui dadus provizóriu hosi nunisípiu Aileu ho ema mate rihun 18-resin no Ainaro rihun 20-resin. Daudaun ne’e Baucau sei iha prosesu verifikasaun nia-laran no la kle’ur tan finaliza depois mak ita kontinua fali ba munisípiu seluk,” Loro Mesak hateten ba Agência Tatoli, iha nia knar fatin Caicoli, Dili, kuarta ne’e.

Nia dehan, hosi totál ema mate iha funu laran ne’e la’ós hotu-hotu mate tanba inimigu mak tiru mate tiru mate maibé balun tanba moras, mate hamlaha no iha balun ne’ebé mak mate tanba asidente.

Liuhosi atribuisaun format ba uma-lisan ne’e bele hatene Timoroan na’in hira mak mate durante luta ba independénsia Timor-Leste nian.

“Ita atu fó resposta ba Estadu no Governu kona-ba durante luta ba independénsia mak MAKLN planea hodi atribui formatu ba uma-lisan nian hodi identifika ema hira mak mate iha funu laran,” nia dehan.

Notísia Relevante: Komunidade Manufahi preokupa Governu seidauk hasai rezultadu atribuisaun formatu ba uma-lisan

Jornalista : Osória Marques

Editó         : Cancio Ximenes

Publisidade

Leave a Reply

Latest Post

error: Content is protected !!