LIQUIÇÁ

SEAKLN atribui formatu 80-resin atu identifika ema mate iha funu

SEAKLN atribui formatu 80-resin atu identifika ema mate iha funu

Imajen espesiál

DILI, 05 agostu 2022 (TATOLI) – Prezidente Konsellu Veteranu Munisípiu Liquiça, Vicente da Conceição “Rai Los”, hateten iha tinan 2020, Sekretáriu Estadu Asuntu Kombatente Libertasaun Nasionál (SEAKLN) atribui ona formatu ba uma-lisan nian iha suku 25 iha Munisípiu Liquiça ho objetivu atu identifika uma-lisan ida-idak ne´ebé nia ema mate iha funu-laran.

“SEAKLN atribui formatu liu 80 ba suku 25 iha Liquiça nian hodi fó ba uma-lisan sira atu priénse”, Rai Los hateten ba Agência Tatoli liuhosi via- telefone, ohin.

Prezidente Konsellu Vetaranu katak formatu ne’ebé atribui ba kada suku liu rua no kada formatu ida iha ema na’in 50 mak priénse.

“Ita-nia Governu liu-liu ninia Sekretáriu Estadu Asuntu Kombatente Libertasaun Nasionál sesante, “Oan Soru” planu ne’e atu atribui formatu ba kada suku iha territóriu nasionál tanba lideransa polítika halo hanesan aisasiik katak 200.000 mortus ba ita-nia luta libertasaun. Entaun planu hosi sesante SEAKLN ne’e di’ak no bele responde públiku nia preokupasaun katak ema mate hira ba ukun-an ida-ne’e, tanba to´o agora seidauk hatene ema nain hira mak mate”, rekorda.

“Ita la hatene istória verdade ida ba martir libertasaun no to’o agora ita seidauk hatane loos mate hira no mundu husu mós ita fó resposta ne’ebé hanesan aisasiik ba sira. Tanba ida-ne’e mak ha’u sente apresia ho SEAKLN sesante nia planu ne’e para hatene klaru loos mate Timor-Leste nia ukun rasik-an ne’e hira tanba istória ita labele siik de’it”, revela.

Nia akresenta tan, planu SEAKLN ne’e ba tempu naruk nian la’os ba agora maibé basta ema hotu bele hatene rezultadu formatu.

Nia dahan atribuisaun formatu ne’e finaliza ona iha 2021 no SEAKLN rekolla ona maibé seidauk fó sai rezultadu.

Maske nune’e, SEAKLN sesante nia planu, maibé Governu tenke aselera no kontinua ho planu ne’e atu termina lalais no hetan nia solusaun ba mártir hira iha rai ida-ne’e.

Jornalista : Osória Marques

Editór : Zezito Silva

 

 

 

iklan
iklan

Leave a Reply

iklan
error: Content is protected !!