iklan

EKONOMIA, HEADLINE

Governu sei responsabiliza tais 317 hosi grupu soru tais 10 RAEOA

Governu sei responsabiliza tais 317 hosi grupu soru tais 10 RAEOA

Ministru Turizmu Komérsiu no Indústria, José Lucas do Carmo da Silva. Imajen Tatoli/Francisco Sony

DILI, 10 agostu 2022 (TATOLI)—Governu liuhosi Ministériu Turizmu Komérsiu no Indústria (MTKI) komprometidu sei resposabiliza tais 317 hosi grupu 10 Rejiaun Administrativa Espesiál Oé-cusse Ambeno (RAEOA) ne’ebé aprezenta ona iha Parlamentu Nasionál.

Ministru Turizmu Komérsiu no Indústria, José Lucas do Carmo da Silva, haktuir, antes ne’e Governu halibur tais hirak ne’e maibé la konsege aprezenta iha Expo-Dubai, tanba ne’e Governu sei responsabiliza.

“Ami husu dala-ida tan ba inan-feton sira atu koopera nafatin ho MTKI, hodi prosesu lalais situasaun ne’e, kona-ba orsamentu imi tenke mai MTKI tanba ida ne’e re-alokasaun nune’e ita tau montante ba imi-nia tais,” Ministru informa iha Palásiu Governu, kuarta ne’e.

Notísia relevante: Governu la aprezenta tais iha Expo Dubai ne’e MTKI nia responsabilidade

Nia dehan, antes ne’e MTKI halo ona prosesu maibé inan-feto sira foti tais lori ba Parlamentu Nasionál.

“Preokupasaun sira hanesan ne’e presiza koopera ho Governu atu ita fasilita atu selu tais sira ne’e, Governu sempre resposabiliza programa sira ne’ebé la’o,” nia akresenta.

Tuir governante ne’e, prosesu ne’ebé agora halo hela mak prosesu re-alokasaun orsamentu tanba iha inísiu inisiativa programa ne’e no Governu fasilita halo promosaun la’os atu fa’an no sosa.

MTKI rasik tutela ka responsabiliza atu halo promosaun ba médiu pekena empreza, nafatin iha papél atu halo diskusaun ho grupu sira maibé sira tenke mai hasoru ministériu atu rezolve.

“Orsamentu ne’ebé atu selu tais ne’e tenke sira mai hasoru MTKI liuhosi Koordenadór Expo Dubai oinsá halo ajusta sira-nia produtu ba kustu ne’e,” nia tenik.

Jornalista    : Arminda Fonseca

Editora         : Julia Chatarina

iklan
iklan

Leave a Reply

iklan
error: Content is protected !!