iklan

NASIONÁL

Governu la aprezenta tais iha Expo Dubai ne’e MTKI nia responsabilidade

Governu la aprezenta tais iha Expo Dubai ne’e MTKI nia responsabilidade

Inan feton siraneebe organiza husi Alola Fundation soru hela Tais tradisional neebe ema individu nasionsl, internasional inklui intitusaun estadu nomos kompsnia sira husu ka hamenu,segunda 30/5/2022.Imajen Tatoli/Antonio Daciparu

DILI, 25 jullu 2022 (TATOLI)–Sekretáriu Estadu Igualdade no Inkluzaun (SEII), Maria do Rosario Fátima, hateten kestaun Governu la konsege lori tais hosi grupu soru tais 10 hosi Oé-Cusse ba aprezenta iha Expo Dubai 2020 nian ne’e, Ministériu Turizmu Komérsiu no Industria no Turismu (MTKI) mak responsabiliza.

Notísia Relevante: Grupu soru tais 10 hosi RAEOA hato’o preokupasaun ba PN

“Ida-ne’e ha’u ko’alia ona ho Ministériu Turizmu Komérsiu no Industria no Turismu sei buka hela dalan atu oinsá responde ba feto maluk sira-nia tais ne’ebé la konsege lori ba iha Expo Dubai 2020 ne’e,” nia dehan ba Agência TATOLI, hafoin halo enkontru ho feto potensiál sira hosi munisípiu 12 inklui RAEOA, iha Delta Nova, Comoro, Dili, segunda ne’e.

Governante ne’e hateten, maske Governu liuhosi SEII no MTKI mak konsege halibur maibé ministéiru relevante hanesan MTKI mak sei responde ba asuntu ne’e.

Antes ne’e, Membru Parlamentu Nasionál (PN) lamenta ho Governu liu-liu ekipa Expo Dubai rai hela tais hamutuk 317 hosi grupu 10 hosi Rejiaun Administrativa Espesiál Oé-Cusse Ambeno (RAEOA) ne’ebé tuir planu atu ba aprezenta iha Expo Dubai maibé realidade la konsege

“Ida-ne’e ha’u triste tebes tanba Governu laiha responsabilidade tanba Sekretária Estadu Igualidade no Inkluzaun (SEI) ho Ministériu Komersíu no Indústria (MTKI) koordena ho sira Oé-Cusse liu-liu sira soru tais na’in hodi tais hamutuk 317 ne’e iha tais kiik no boot, kuaze tinan ida ona tais ne’e la ba Dubai. Maibé tau hela iha kontentor laran no ita-nia inan-feton sira-ne’e hanoin hela dehan sira-nia tais ba ona Dubai no sei simu osan. Maibé realidade semana kotuk sira hosi atu mai simu osan maibé la simu osan, simu fali sira-nia tais. Ida-ne’e kestionavel tebes,” Reprezentante Povu iha PN, Lucia Taeci, levanta iha reuniaun plenária Parlamentu Nasionál.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!