COVALIMA, POLÍTIKA, SAÚDE

Institutu Nasionál Kombate HIV-SIDA hala’o sensibilizasaun ba komunidade Suai Loro

Institutu Nasionál Kombate HIV-SIDA hala’o sensibilizasaun ba komunidade Suai Loro

Ilustrasaun hosi google.

COVALIMA, 10 agostu 2022 (TATOLI)–Institutu Nasionál kombate HIV-SIDA hala’o sensibilizasaun kona-ba HIV-SIDA ba komunidade Suai Loro atu hasa’e sira-nia kuiñesimentu kona-ba oinsá prevene no kombate moras ne’e iha sosiedade nia leet.

Notísia Relevante: 2003 to’o 2022, TL rejista pasiente HIV/SIDA na’in-1.582 no óbitu 278

“Ohin prezensa Institutu Nasionál kombate HIV-SIDA ho hanoin ida atu hasa’e ita-boot sira-nia kuiñesementu hodi nune’e bele transforma no habelar tutan informasaun ba kolega no viziñu-sira ne’ebé ohin la konsege mai partisipa,” Prezidente Institutu Nasional Kombate HIV-SIDA, Atanasio de Jesus, hateten ba jornalista sira iha suku Suai Loro, kuarta ne’e.

Objetivu hosi sensibilizasaun ida-e’e, ba dahuluk atu hasa’e komunidade ho joven sira-nia kuiñesementu, hakotu transmisaun HIV-SIDA ba iha ema seluk bainhira iha kuiñesementu ne’ebé di’ak kona-ba HIV-SIDA sei la transmite tan ba ema seluk, hakotu mós estigma no diskriminasaun ba ema seluk no tenke iha kompromisu ida atu hamenus liña transmisaun.

Komisaun rejista sidadaun ne’ebé afetadu ba HIV hamutuk 1,582 no hosi númeru ne’e sidadaun Covalima na’in-76 hosi númeru ne’e na’in-33 mak ativu halo tratamentu no kuaze na’in-lima (5) ka neen (6) sei abandona hela.

Nia informa, ema ne’ebé moras HIV-SIDA ho númeru aas liu ne’e iha Munisípiu Dili, Bobonaro na’in-102, RAEOA mós aas no Baucau no munisípiu sira seluk mós rejistu ona moras HIV-SIDA.

“Ita komesa transmite virus ne’e ba ema seluk , komesa dezenvolve nia-an. Ita-nia nasaun bainhira ita la haree, nenieik ita-nia nasaun monu ba afetadu HIV. Ita-nia nasaun ho populasaun aumenta ho rai ne’ebé kiik,” nia informa.

Atu prevene-an hosi transmisaun HIV mak ba dahuluk abstinensia hanesan tempu namora tenke kontrola an hodi labele halo relasaun seksuál, tempu namora atu kuñese malu, inspira malu hodi kontinua eskola alkansa futuru ida di’ak iu.

Daruak, Be faithful/fidelidade hanesan laen ho feen tenke kompreende malu, fiar malu no hadomi malu, hodi kria situasaun hakmatek iha uma laran. Kuidade ho seksu livre tanba bele halo rahun imiinia família no futuru imi nia-oan tanba imi-nia oan mak imi-nia futuru.

Ba datoluk Condom, katak uza kondom hanesan meiu prevensaun ba virus HIV no MHRS labele da’rt bae ma seluk bainhira halo relasaun seksuál.

Labele uza hamutuk intrumentu kro’at hanesan seringa, lamiña, daun tato no daun sona iha leten no labele simu raan ne’ebé la liuhosi teste laboratóriu nasionál.

Tanba HIV la hada’et hosi susuk tata ema, hakuak malu, uza troka malu sasán haris ni’an, uza sintina hamutuk, kaer liman, troka roupa ba malu, fani ka mear, rei malu, uza bikan, kanuru no kopu hamutuk, hela hamutuk iha uma ida banhira haris hamutuk

Xefi suku Suai Loro, postu administrativu Suai, munisípiu Covalima, Martinho Mendonça, haktui, prezensa Institutu Nasionál Kombate HIV-SIDA atu fahe informasaun kona-ba moras HIV-SIDA.

“Ohin-loron ita-boot sira-nia prezensa iha me’e importante atu rona informasaun kona-ba HIV-SIDA hodi hadook an hosi moras refere.” nia informa.

Durante prezensa Institutu Nasionál Kombate HIV-SIDA iha Covalima hahú hala’o sensibilizasaun informasaun HIV-SIDA ba komunidade iha postu administrativu Maucatar, suku Ogues, postu administrative Zumalai iha suku Mape, postu Suai iha suku Suai Loro.

Tuir planu, iha kinta (11/08) ne’e, tuir planu sei hala’o sensibilizasaun iha suku Beiseuk, postu administrativu Tilomar, munisipiu Covalima.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!