HEADLINE, NASIONÁL, POLÍTIKA

Timor-Leste sei kontribui millaun $1 ba g7+ kada tinan

Timor-Leste sei kontribui millaun $1 ba g7+ kada tinan

Bandeira g7+ ho Bandera RDTL. Imajen Tatoli/Francisco Sony

DILI, 10 agostu 2022 (TATOLI)-Governu liuhosi reuniaun Konsellu Ministru (KM), kuarta ne’e aprova ona projetu rezolusaun Governu hodi estabelese akordu entre Governu Repúblika Demokrátika Timor-Leste no g7+, kona-ba montante, finalidade no uzu ba subsídiu ne’ebé atu atribui ba organizasaun intergovernamentál.
Projetu Rezolusaun ne’e aprezenta hosi Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno.

“Ho akordu ne’ebé asina hosi parte rua iha loron 21 marsu 2022, ninia objetivu mak atu kontribui ba atividade g7+ no Governu sei fó entre tinan 2022 no 2027, ho montante millaun $1 kada tinan,” Ministru Prezidénsia Konsellu Ministru, Fidelis Manuel Leite Magalhães, informa hafoin reuniaun Ezekutivu, iha Palásiu Governu.

Notísia relevante: PR Horta husu g7+ ajuda tau-matan ba rekonsiliasaun

Subsídiu ida-ne’e tenke uza ba promosaun kooperasaun entre estadu membru sira no ba finansiamentu despeza funsionamentu g7+ inklui ba organiza reuniaun ministériu kada tinan.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!