DILI, HEADLINE, POLÍTIKA, SAÚDE

Governu preparadu prevene COVID-19 no virus ’monkeypox’

Governu preparadu prevene COVID-19 no virus ’monkeypox’

Funsionáriu Palásiu Prezidensia simu vasina Boster Pfizer hosi pesoál saúde sira, segunda (17/1/2022). Imajen TATOLI/Antonio ‘Dasiparu’ Gonçalves.

DILI, 11 agostu 2022 (TATOLI)—P rimeiru-Ministru (PM), Taur Matan Ruak, hateten Governu preparadu loos hodi kontinua halo prevensaun ba COVID-19 no virus foun ‘monkeypox’.

Notísia Relevante: Update COVID-19: Kazu detetadu foun 11

“Ohin enkontru ho Prezidente Repúblika relata atividade Governu nian mak hanesan COVID-19 ita agora mate atinji ona 130-resin no sira-ne’ebé afetadu sei 30-resin. Maibé ita mós to’o agora ita simu ona vasina millaun 12 no aplika ona millaun 1.7 karik, entaun ita haree nia númeru redus. Embora sei iha kazu esporadu sira-ne’e ita-nia ministéiru preparadu atu enfrenta ida-ne’e. La’ós ida-ne’e de’it maibé sira seluk ne’ebé ita-boot sira rona kona-ba virus monkeypox,” Xefe Governu ne’e hateten ba jornalista sira hafoin ramata enkontru semenál ho Xefe Estadu, José Ramos Horta, iha Palásiu Prezidensiál Nicolau Lobato, Bairru Pite, kinta ne’e.

Kona-ba virus foun monkeyfox, Xefe Governu ne’e hateten, Ministéiru Saúde (MS) ho Organizasaun Mundiál Saúde (OMS) preparadu loos atu enfrenta iha Timor-Leste, tanba virus foun ne’e iha rai seluk rejista ona virus, naturalmente iha rai-laran sei to’o kleur ka lais entaun Governu preparadu ba ida-ne’e.

Bibán ne’e, Primeiru-Ministru ne’e relata mós ba PR kona-ba servisu seguransa nian ne’ebé iha territóriu la’o di’ak.

Notisia Relevante: Governu hahú prepara estratéjia prevene vírus “monkeypox”

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!