DILI, HEADLINE, POLÍTIKA

PM Taur apoiu oinsá buka konsensu entre líder nasionál

PM Taur apoiu oinsá buka konsensu entre líder nasionál

Primeiru-Ministru, Taur Matan Ruak. Imajen Tatoli /Egas Cristóvão

DILI, 11 agostu 2022 (TATOLI)—Primeiru-Ministru (PM), Taur Matan Ruak, hateten nia parte apoiu hodi ko’alia kona-ba oinsá buka konsensu nasionál entre líder nasionál iha Timor-Leste.

Notisia Relevante: PR Horta-Alkatiri hakarak buka konsensu entre lidér nasionál

“Ha’u kontente loos, se maun sira tuur hamutuk ne’e, alin sira kontente loos. Ne’ebé, alin la kontente bainhira maun sira la tuur hamutuk,” Primeiru-Ministru, Taur Matan Ruak, hato’o lia hirak ne’e hodi hatán jornalista sira, relasiona ho Prezidente Repúblika, José Ramos Horta ho Eis Primeiru-Ministru no Atuál Sekretáriu Jerál Partidu Fretilin, Mari Alkatiri, antes ne’e hasoru malu ko’alia kona-ba oinsá buka konsensu nasionál entre lidér nasionál sira, iha iha Palásiu Prezidensiál Nicolau Lobato, kinta ne’e.

Tau Matan Ruak sente kontente liu tan bainhira líder nasionál sira tuur hamutuk, nune’e hamutuk hodi lori dezenvolvimentu nasaun nian ne’e ba oin liután.

“Ha’u hanesan alin no maun boot sira tur hamutuk ne’e, ha’u fó kontinénsia de’it. Kontente loos, tanba ne’e fasilita ita-nia vida. Se lae ne’e, ita hili tuir ida-ne’e mak di’ak ka tuir ida-ne’eba mak di’ak ka orsida sira hirus ita dalaruma ita fahe an ladi’ak. Hanoin, sira hamutuk ita see loos oin de’it tuir dalan loos, haree malu oin la buis ona, haree malu hamnasa uitoan,” Xefe Governu ne’e hateten ho hamnasa.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!