DESPORTU, DILI, HEADLINE

SEJD-FFTL sei aloka $400.000 realiza liga époka 2022

SEJD-FFTL sei aloka $400.000 realiza liga époka 2022

Prezidente FFTL, Francisco Martins da Costa Pereira Jerónimo. Imajen Tatoli/Francisco Sony

DILI, 11 agostu 2021 (TATOLI)- Prezidente Federasaun Futeból Timor-Leste (FFTL), Francisco Martins da Costa Pereira Jerónimo, hateten hahú ko’alia ona ho Sekretáriu Estadu Juventude no Desportu (SEJD) kona-ba finansiamentu, nune’e  garante sei realiza liga futeból époka 2022  iha fulan-agostu nia laran.

“Ha’u hasoru malu ona ho Sekretáriu Estadu Juventude no Desportu (SEJD) hodi ko’alia kona-ba orsamentu atu realiza liga ne’e. Ami (FFTL) sei tau $200.000 no Sekretáriu Estadu Juventude no Desportu (SEJD) tau $200.000,” Prezidente FFTL ne’e hateten ba Agência TATOLI iha Muséu Rezisténsia-Caicoli, kinta ne’e.

Notísia relevante: Assalam preokupa FFTL-LFTL seidauk deside data realiza liga époka 2022

Nune’e, Prezidente FFTL ne’e dehan orienta ona tékniku sira atu hahú kontaktu ho Liga Futeból Timor-Leste (LFTL) atubele haree hamutuk data fiksu ba realizasaun liga futeból époka 2022.

“Tanba ita hakarak liga ne’e tenke la’o iha fulan agostu ne’e, maibé depende ba servisu tékniku sira ninian,Tanba ne’e husu ba parte LFTL tenke pronunsia buat ruma oinsá atu realiza liga iha tempu besik,” nia afirma.

Prezidente FFTL ne’e hato’o kestaun ne’e hodi responde ba preokupasaun bola mania sira, klubu futeból no jogadór sira kona-ba data fiksu realiza liga epoka ne’e.

Jogadór sente triste

Entretantu, Jogadór hosi klube Primeira Divizaun Liga Futeból Timor-Leste (LFTL) AD SLB Laulara, Filomeno Juniór da Costa, sente triste tanba Federasaun Futeból Timor-Leste no LFTL seidauk foti desizaun sériu realiza liga époka 2022.

“Hanesan jogadór ida ha’u sente triste tanba desizaun hosi FFTL no LFTL seidauk klaru atu realiza liga tanba jogadór ami tenke book an hela de’it hodi hametin presatasaun,” nia preokupa

Tanba ne’e kapitaun selesaun nasional U-23 ne’e husu ba FFTL no LFTL atu buka malu tuur ko’alia ho klube sira nune’e bele hala’o jogu iha agostu nia laran.

Iha sorin seluk jogadór hosi klube Assalam FC, Dom Braz, mós sente triste bainhira liga seidauk komesa beibeik tanba kontribui ba hatun sira nia presasaun hanesan jogadór.

“Durante ne’e, FFTL ho LFTL fó sai ona atu liga ne’e hala’o iha 18 agostu, maibé ita haree tempu ne’e besik loos ona. Nune’e hanesan jogadór ami sente la di’ak bele hatun ona ami nia prestasaun,” katak.

Notísia relevante:  18 agostu, LFTL abertura jogu primeiru no segundu divizaun époka 2022

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!