COVALIMA, EKONOMIA

Xefe suku Suai Loro husu Governu intervensaun presu kombustível iha Covalima

Xefe suku Suai Loro husu Governu intervensaun presu kombustível iha Covalima

Xefe Suku Suai Loro, Martinho Mendonça. Imajen/Celestina Teles.

COVALIMA, 11 agostu 2022 (TATOLI)–Xefe Suku Suai Loro, Martinho Mendonça, husu ba Governu atu halo intervensaun relasiona ho presu kombustível ne’ebe sa’e iha munisípiu Covalima.

Notísia Relevante: DTC Covalima rejistu transporte públiku 10 hetan subsídiu kombustível hosi Governu

“Ami-nia hatene presu kombustível aqua boot agora faan ho nia presu sa’e ona $3.00, maibé antes ne’e ho de’it presu $2.00 no aqua boot nanotak ne’e $2.00,” Martinho Mendonça informa ba Agência Tatoli, iha sede suku Suai Loro, kinta ne’e.

Governu tenke halo intervensaun tanba fó impaktu ba movimentu komunidade hosi aldeia to’o munisípiu tanba presu kombustivel sa’e.

Reprezentante Administradór Munisípiu Covalima, Francisco de Jesus Alves, klarifika presu kombustível sa’e la’ós de’it munisípiu Covalima maibé ida-ne’e hanesan problema globál ne’ebé akontese konflitu entre Rusia ho Ukrania.

“Ha’u hanoin presu kombustível sa’e iha ita-nia nasaun Timor-Leste la’ós iha munisípiu Covalima de’it maibé impaktu mai hosi problema globál ne’ebé akontese ita hatene katak iha konflitu Rusia ho Ukrania, nune’e mak fó impaktu ba presu kombustível sa’e,” nia dehan.

Ho presu kombultível ne’ebé sa’e. Governu iha responsabilidade oinsá atu halo intervensaun merkadu iha polítika fahe kupon ba transporte públiku sira atu bele hetan subsídiu ba kombustível nune’e labele fó impaktu ba movimentu transporte públiku.

“Agora ita implementa no atu distribui kupon maibé sei iha prosesu rejistu kada utilizadór transporte públiku hanesan bus ho mikrolete, tenke rejitu uluk lai semana ida-rua liu fó sai ona avizu liuhosi Dirasaun Transporte no Komunikasaun foin bele hetan subsídiu kombustívél hosi Governu,” nia esplika.

Aleinde transporte públiku Bus no mikrolete, ojek sira-ne’e mós bele inklui hotu tanba transporte ne’ebé fasilita komunidade la’o ba-mai.

Antes ne’e, iha loron 02 fulan-jullu tinan ne’e Dirasaun Transporte no Komunikasaun (DTC, Sigla Portugés) rejista ona transporte públiku nain-10 mak hetan subsídiu kombustível hosi Governu.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!