iklan

EDUKASAUN, COVALIMA

Estudante ESGP Suai 34 tuir prova de recuperação

Estudante ESGP Suai 34 tuir prova de recuperação

Estudante hosi eskola sekundária jerál publiku Suai tuir “ujian susulan”. Imajen Tatoli/Celestina Teles.

COVALIMA, 16 agostu 2022 (TATOLI)–Responsavél turno lorokraik, profesór Luzinho de Andrade, hateten estudante na’in 34 hosi Eskola Sekundária Jerál Públiku Suai (ESGP- sigla portugés) tuir prova de recuperação tanba falta, kartaun kinur laiha no asidente trafegu.

Notísia Relevante: ESGP Suai la autoriza estudante ne’ebé kartaun kinur laiha tuir ezame

“Estudante ne’ebé foin tuir ujian susulan ne’e tanba durante prosesu aprendizajen estudante la tuir aula, kartaun kinur laiha no balun asidente trafegu, entaun eskola autoriza tuir prova de recuperação (ujian susulan) ne’e sira-nia direitu no sira mós kumpri ona,” Luzinho de Andrade hateten ba jornalista sira, iha ESGP Suai, tersa ne’e.

Eskola autoriza estudante sira tuir prova de recuperação hahú iha segunda (15/08) to’o kuarta (17/08)  semana ne’e, ne’ebé sira la konsege tuir ezame entaun fó tempu ba sira atu tuir fali ezame.

Estudante ne’ebé tuir prova de recuperação hamutuk na’in 34 hanesan estudante hosi siénsia teknolojia na’in-hitu (7) kompostu hosi feto na’in-tolu no mane na’in-haat (4), no estudante hosi siénsia sosiál umana estudante hamutuk na’in-27 kompostu hosi feto-rua (2) no mane-25.

Tuir dadus, estudante iha eskola sekundáriu Jerál Públiku Suai hamutuk na’in-2.315 ne’ebé kompostu hosi mane hamutuk 1037 no feto hamutuk 1242.

Tuir konstituisaun RDTL Artigu 18 (Protesaun ba labarik-oan sira) iha alinea dahuluk hateten, labarik sira iha direitu ba protesaun espesiál hosi família, komunidade, no mós estadu, liu-liu hasoru hahalok hotu hanesan la tau-matan, diskriminasaun, violénsia, opresaun, abuzu seksuál no explorasaun.

Alinea daruak haktuir, labarik sira hetan direitu hotu-hotu ne’ebé mundu rekoñese, hanesan direitu sira-ne’ebé hakerek ona iha konvensaun internasionál, ne’ebé Estadu aprova no simu ona ka ratifika fila fila.

Iha alinea datoluk hateten, labarik hotu-hotu ne’ebé moris iha kazamentu nia laran ka lae, iha direitu hanesan kona-ba protesaun sosiál.

Jornalista : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!