Forsa Armada Austrália kompromete kontinua apoia F-FDTL
DILI, 19 agostu 2022 (TATOLI)- Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, hateten forsa armada Austrália kompromete kontinua apoia F-FDTL iha área formasaun no kapasitasaun ba iha nivél Xefe Estadu Maiór.
Xefe Estadu Maiór Jenerál Forsa Armada Austrália, Tenente Jenerál Simon Stuart, hato’o kompromisu ne’e ne’e bainhira presenza iha Timor-Leste hodi hatan konvite hosi Xefe Estadu Maiór Jenerál F-FDTL, Tenente Jenerál, Falur Ratek Laek atu partisipa aniversáriu komemorasaun loron FALINTIL ba dala 47.
Notísia relevante: TNI kompromete apoia F-FDTL iha área kapasitasaun téknika militár
“Forsa Armada Austrália kontinua kompromete sei apoia ita iha área formasaun ka edukasaun liuliu iha Xefe Estudu Maiór,” katak Tenente Jenerál Hafoin simu vizita kortejia Jenerál Australia Simon Stuart iha nia kna’ar fatin Kuartel Jenerál Fatuhada, sesta ne’e.
Durante vizita, Tenente Jerál Simon Stuart ho Tenente Jenrál Falur Rate Laek, halo atualizasaun ba malu kona-ba kooperasaun sira iha área militár entre rai-rua ne’e.
“Ami mós koalia atualizasaun (update) ba malu entre akordu kooperasaun sira ne’ebe durante ne’e la’o no sira aseita apoia F-FDTL iha formasaun téknika militár nian,” Tenente Jerál Falur Rate Laek afirma.
Notísia relevante: Austrália iha kompromisu kontinua apoia PNTL no F-FDTL
Jornalista: Natalino Costa
Editór : Florencio Miranda Ximenes
