KAPITÁL, NASIONÁL

Semana oin, AMD halo sensibilizasaun ba komunidade utiliza semitériu públiku Metinaro

Semana oin, AMD halo sensibilizasaun ba komunidade utiliza semitériu públiku Metinaro

Ekipa SIJK halo kremasaun ba mate-isin Chen Xian Ling iha semitériu públiku Metinaro. Imajen TATOLI/Felicidade Ximenes.

DILI, 18 agostu 2022 (TATOLI)—Prezidente Autoridade Munisípiu Dili, Guilhermina Filomena Saldanha, informa semana oin Governu liuhosi Autoridade Munisípiu Dili (AMD) sei halo sensibilizasaun ba komunidade utiliza semitériu públiku Matinaro.

Notísia Relevante: Governu planea hari’i semitériu foun iha Metinaro

“Iha semana oin, ami mós buka ona oinsá sensibiliza ba komunidade atu sira prepara utiliza semitériu Metinaro. Tanba, iha informasaun katak mate balun komesa hakohi ona iha semitériu foun ne’e, ida-ne’e labele,” Guilhermina Filomena Saldanha hateten ba Agênsia Tatoli, iha nia kna’ar fatin, Dili, kinta ne’e.

Tuir nia, semitériu Metinaro dahuluk presiza mós servisu balun ne’ebé mak hala’o iha ne’ebá, maibé hosi ektare 35 ne’e ektare 5 mak IGE fó apoia ona no Autoridade Munisípiu Dili mós identifika ona, hosiektare 5 ne’e, metru 150 kuadradu mak bainhira iha ne’ebá nakonu, metru 150 kuadradu ne’e bele hatán.

“Hosi metro 150 metru kuadradu ne’e, kada metru 10 kuadradu ita bele hakohi mate 10 to’o 11, bele dehan barak ida-ne’e hein de’it implementasaun. Tanba, atu implementa no atu loke iha ne’ebá tenke ho mós dekretu-lei. Tanba ne’e, kualker desizaun polítika ruma mak dehan ita utiliza, ita utiliza ona. Maibé, ita bele utiliza uluk, depois mak dekretu-lei tun laiha problema depende de’it ba situsaun,” nia esplika.

Maske nune’e, iha fulan ida-ne’e semitériu públiku Metinaro bele utiliza maibé depende semitériu Becusse nakonu no iha desizaun foti uluk ba iha ne’ebá, depois mak dekretu-lei sai la iha problema.

“Maibé, tuir lolos ho dekretu-lei, tanba dekretu-lei mak sei hatuur oinsá ita halo jestaun ba fatin ne’ebá, ita atu halo jestaun. Ami mós hanesan uma na’in, ami prevee ona katak kada metru 10 kuadradu rate bele dehan liña ida 10 ka 11, entaun rate ne’e bele hakohi mate 44 pesoál. Imajina metru 150 kuadradu espasu ne’ebé ami prevee ne’e nakloke barak,” nia dehan.

Notísia Relevante: MAE-AMD koordena identifika ema atu servisu iha semitériu Metinaro

Jornalista : Nelia Fernandes

Editór       : Cancio Ximenes

iklan
iklan

Leave a Reply

iklan
error: Content is protected !!