HEADLINE, KAPITÁL, NASIONÁL

Ekipa komunikasaun korporativa Samsung hasoru PM introdús programa CRS

Ekipa komunikasaun korporativa Samsung hasoru PM introdús programa CRS

Ilustrasaun programa CSR. Imajen/Espesiál

DILI, 19 agostu 2022 (TATOLI)–Ekipa Komunikasaun Korporativa hosi Samsung Eletróniku, sesta ne’e, hasoru Primeiru-Ministru (PM), Taur Matan Ruak, hodi introdús sira-nia programa ho naran Corporate Social Responsibility (CRS) iha Timor-Leste.

Prezidente Ekipa Komunikasaun koorporativa Samsung, In-Yong Rhee, hateten, objetivu hasoru Xefe Governu hodi ko’alia kona-ba programa CRS, nune’e bele ajuda joven Timor-Leste nia abilidade iha área teknolojia hodi ajuda rezolve nasaun nia problema.

“Ami hosi Samsung elektróniku, parte hosi Corporation Service nian mai hasoru Primeiru-Ministru, mai esplika saida mak atu halo liuliu relasiona ho programa CSR. Ami ko’alia ho Primeiru-Ministru oinsá atu ajuda mellora abilidade joven Timor-Leste bele rezolve nasaun nia problema iha aréa hotu,” Prezidente ekipa relata hafoin hasoru Xefe ezekutivu iha Rezidénsia Farol.

Notísia relevante: Empreza Keshavarz inisia investimentu produsaun fábrika alimentasaun animál iha Maubara 

Hafoin relata programa ne’e, Primeiru-Ministru apresia no simu ideia tanba konsidera inisiativa di’ak.

“Ami espera iha futuru ami bele serbisu hamutuk hodi halo buat ruma ne’ebé apoiu joven sira iha Timor-Leste,” nia komprometidu.

Programa mak Sols for tomorrow ka joven aban bainrua nian, ne’ebé sei hanorin no fó akompañamentu atu oinsá sira rezolve problema ne’ebé maka rai ida-ne’e enfrenta liliu iha abilidade nian.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!