iklan

HEADLINE, MUNISÍPIU, VIQUEQUE

Viqueque realiza marsa komemora koron FALINTIL ba da-47

Viqueque realiza marsa komemora koron FALINTIL ba da-47

Atividade marsa iha komemorasaun loron FALINTIL ba da-47, iha Viqueque vila, sábadu (20/08). Imajen Tatoli/Vitorino Lopes da Costa

VIQUEQUE, 20 agostu 2022 (TATOLI)—Administrasaun munisípiu Viqueque, sábadu ne’e, realiza marsa hodi komemora loron Forsa Armada Libertasaun Nasionál (FALINTIL) ba da-47.

“Ohin ami selebra loron 20 agostu hanesan loron importante. Ho ida-ne’e Eskola Sekundáriu 04 setembru no Calixa maka mai ko’alia ho ha’u hodi realiza atividade marsa hodi festeza loron FALINTIL 30 agostu no konsulta populár 04 setembru, bainhira rona rezultadu votasaun, nune’e ha’u aseita atividade desportu ne’ebé realiza ona 08 agustu 2022. Tanba ne’e ohin realiza tan marsa ne’ebé la’o ho di’ak tanba durante ne’e ita okupa serbisu,” Administradór Viqueque, Januário Soares ‘Bolly’, hateten iha serimónia abertura marsa, iha salaun administrasaun munisipál.

Notísia relevante: Komemorasaun loron FALINTIL atu dignifika eroi fó vida ba luta libertasaun

Rute marsa hahú hosi edifísiu administrasaun munisípiu Viqueque ba ponte Weradek, tun mai Eskola Sekundáriu 04 setembru no ramata iha kampu futeból demokrasia munisípiu Viqueque, ne’ebé partisipa hosi Administradór munisípiu Viqueque, Januário Soares ‘Bolly’, funsionáriu, profesór, estudante sekundáriu Calixa, sekundáriu 04 setembru, sekundáriu Sãnto Estevão inklui Polísia Nasionál Timor-Leste (PNTL) munisípiu Viqueque.

Ojetivu atividade ne’e hodi selebra loron FALINTIL no kontribui ba saúde ema ida-idak nian.

Nia dehan, iha argumenta balun hateten katak Indonésia mai Timor hodi hapara funu entre maun-alin ne’e sai hanesan skenáriu, maibé inisiativa Indonésia foti kleur ona, Timor-Leste iha loron 28 novembru proklama ninia independénsia hodi hato’o ba mundu katak Timor-Leste harii hanesan nasaun ida.

“Atu justifika inavasaun Indonésia halo tiha deklarasaun loron 30 novembru iha Balibo hodi halo petisaun ba Indonézia entaun Indonézia mai Timor katak Timor maka husu la’ós Indonézia mai sira-nia hakarak, maibé ida-ne’e eskenáriu hotu, maibé FALINTIL moris hamosu golpe iha Dili, Indonézia mós mosu mai FALINTIL halo rezisténsia kontra okupasaun Indonézia loron tinan 24 maka ita konsege liberta ita-nia rain liuhosi referendu akontese 30 aguotu 1999. Liuhosi programa sira-ne’e ita atu lembra filafali loron FALINTIL 20 agustu ida-ne’e,” nia subliña.

Nune’e, Autoridade munisiál ne’e agradese ba ema hotu ninia partisipasaun iha marsa hodi hanoin hikas fali luta tinan 24.

“Ita-nia FALINTIL sira luta ne’ebé naruk hodi hakat liu hasoru dezafiu barak hodi Timor-Leste bele hetan independésia, ita-nia independénsia ne’e la’ós oferta hosi bandeza mak ita simu, maibé liuhosi funu ne’ebé naruk nia laran. Rezultadu hosi luta naruk no lori susar no terus ba povu hotu-hotu iha Timor Leste,” nia tenik.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!