iklan

AILEU, HEADLINE, KAPITÁL

Restu mortál 68 iha Aileu sei haloot iha fulan-agostu

Restu mortál 68 iha Aileu sei haloot iha fulan-agostu

Sekretáriu Estadu Asuntu Kombatente Libertasaun Nasionál (SEAKLN), Júlio da Conceição ‘Loro Mesak’. Imajen Tatoli/Sérgio da Cruz.

DILI, 22 agostu 2022 (TATOLI)-Governu planeia haloot restu mortál hamutuk 68 hosi munisípiu Aileu, iha loron 25 agustu tinan ne’e.

“Mai hasoru Primeiru-Ministru katak iha 25 fulan ne’e sei haloot tan restu mortál hamutuk 68 iha Aileu,” Sekretáriu Estadu Asuntu Kombatente no Libertasaun Nasionál, Júlio da Conceição ‘Loro Mesak’ hafoin hasoru Xefe Governu, iha Rezidénsia Farol, segunda ne’e.

Nia dehan, restu mortál sira ne’e hotu identifikadu veteranu, tanba ne’e deside haloot iha osuáriu Aiserimou, munisípiu Aileu, ne’ebé sei gasta orsamentu hamutuk $48.000.

“Prezidente Repúblika dekreta hotu ona naran sira ne’e, ne’e agora realiza serimónia haloot restu mortál sira ne’e, tanba ne’e hafoin ami hasoru tiha Xefe Governu, ami sei ba hasoru Xefe Estadu hodi informa,” nia akresenta.

Notísia relevante: Restu mortál 7000 iha osuáriu sei haloot iha Jardim dos Herois Ermera

Ajenda tuir mai, sei haloot fali restu mortál sira iha munisípiu Baucau, postu administrativu Quelicai hamutuk 500 resin no postu administrativu 400 resin.

Antes ne’e, Governu haloot ona restu mortál hamutuk 34 iha osuáriu munisípiu Manufahi, iha loron 04 agostu 2022.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!