DILI, 23 agostu 2022 (TATOLI)–Universidade Nasionál Timor-Lorosa’e (UNTL) sei gradua estudante finalista hamutuk 627 iha agostu tinan ne’e.
“Ami mai konvida Primeiru-Ministru atu partisipa iha serimónia graduasaun ne’ebé hala’o iha loron 30 agostu maibé depende ba Xefe Governu nia tempu,” Reitór UNTL, João Soares Martins, hateten hafoin hasoru malu ho Xefe Governu iha Rezidénsia Primeiru-Ministru, Taur Matan Ruak, iha Farol, tersa ne’e.
Estudante finalista ne’ebé sei gradua iha loron 30 agostu 2022, iha parte dadeer mak fakuldade agrikultura hamutuk na’in-57, enjeñaria na’in-90, medisina no siénsia saúde na’in-74, siénsia sosiál na’in-92, enkuantu parte lorokraik mak fakuldade edukasaun arte no umanidade hamutuk 258, ekonomia no jestaun 34, no fakuldade filosofia na’in-22.
Notísia relevante: UNTL gradua tan estudante na’in-137
Iha Biban hanesan, estrutura UNTL atualiza universidade, liuliu prosesu apredizajen no misaun universidade ne’ebé funsiona di’ak hela.
“Ami diskute buat barak tebes, liuliu Xefe Governu fahe esperiénsia barak oinsá atu dezenvolve Timor. Ami mós hato’o planu sira liliu UNTL halo reativasaun ba programa mestradu,” nia tenik.
Entretantu, UNTL halo ona graduasaun ba estudante finalista hamutuk 600 iha tinan 2021.
Jornalista : Antónia Gusmão
Editora : Julia Chatarina
