iklan

EDUKASAUN, HEADLINE

UNTL gradua tan estudante na’in-137

UNTL gradua tan estudante na’in-137

Universidade Nacional Timor Lorosa'e (UNTL). Imajen Tatoli/Francisco Sony.

DILI, 07 juñu 2022 (TATOLI)—Universidade Nasionál Timor-Lorosa’e (UNTL) realiza serimónia graduasaun, tersa ne’e, ba estudante finalista na’in-137 kompostu hosi fakuldade Edukasaun Arte Umanidade (FEAH, sigla portugés) na’in-54 no programa pos-graduasaun na’in-83.

“FEAH hahú ona ninia atividade sira hafoin hetan ona lisensa hosi ekipa avaliasaun hosi Ajénsia Nasionál ba Avaliasaun no Akreditasaun Akadémika (ANAAA),” Reitór UNTL, João Soares Martins, hateten iha serimónia graduasaun, iha Sentru Konvensaun Dili (CCD, sigla portugés).

Notísia relevante: AAE FEAH husu UNTL devolve osan tanba la hetan manuál orientasaun akadémika

Nune’e mós, atuál Prezidente Autoridade Munisípiu Dili no graduadu, Guilhermina Filomena Saldainha konfesa katak maski sira ne’ebé ohin simu ona graduasaun ne’e ho idade avansadu, maibé ne’e hanesan motivasaun ida atu intensiva joven sira atu labele husik estudu no buka haka’as-an nafatin hodi bele ramata estudu iha universidade.

“Ha’u husu ba alin sira atu aproveita tempu ne’e ho didi’ak tanba Governu atuál ne’e iha programa mesak di’ak de’it, tanba ne’e mai ita hamutuk atu motiva malu hodi sai estudante iha universidade sira atu prepara-an ba futuru,” nia enkoraja

Nia dehan, durante nia estuda iha UNTL hodi foti lian portugés to’o finaliza ninia estudu, laiha obstákulu ida mak nia enfrenta, tanba dezde kiik nia aprende ona portugés.

“Problema agora mai hosi universidade rasik, bainhira finalista sira ramata ona teoria pos-graduasaun iha tinan 2016, maibé tenke hein to’o tinan 2022 maka foin bele hetan graduasaun, maibé laiha buat do que laiha liu kedan,” nia tenik.

Jornalista : Tomé Amado

Editora     : Julia Chatarina

iklan
iklan

Leave a Reply

iklan
error: Content is protected !!