COVID-19, HEADLINE, MUNISÍPIU, VIQUEQUE

Estudante postu Uatucarbau 5.000 resin simu ona vasina pfizer doze daruak

Estudante postu Uatucarbau 5.000 resin simu ona vasina pfizer doze daruak

Vasina Pfizer COVID-19. Imajen Tatoli/António Gonçalves

VIQUEQUE, 24 agostu 2022 (TATOLI)–Xefe sentru saúde postu Uatucarbau, Jeremias Mota, relata estudante ensinu báziku no sekundáriu postu Uatucarbau ho idade 12 to’o 17 hamutuk 5.000 resin simu ona vasina doze daruak COVID-19 ho marka pfizer.

“Ekipa saúde fó ona vasina pfizer doze dahuluk no daruak ba estudante iha eskola postu administrativu Uatucarbau, liu-liu ba estudante ho idade elejível, maibé vasina booster maka sei menus, tanba ne’e ekipa saúde sei kontinua esforsu fó vasina booster ba komunidade,” Xefe sentru saúde informa ba Agência Tatoli, iha postu administrativu Uatucarbau, kuarta ne’e.

Notísia relevante: Estudante 10.316 iha Viqueque simu ona vasina Pfizer doze dahuluk

Nia dehan, ba estudante sira ne’ebé kompleta ona vasina doze daruak, to’o fulan-haat maka sira foin simu tan booster.

“Ha’u haree vasina booster ba komunidade sei menus, maibé ami kontinua esforsu hodi fó,” nia akresenta.

Tuir Xefe sentru saúde, vasina ba estudante ho idade 12 to’o 17 ladún iha problema tanba ekipa saúde sira ba eskola mak fó vasina, ho koordenasaun profesór sira

“Ita hasoru difikuldade bainhira fó vasina ba ita-nia komunidade tanba sira iha atividade no la’o ketak-ketak,” nia tenik. 

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!