Governu prevee $220.732 realiza resesaun elevasaun Dom Virgílio hanesan Kardeál

DILI, 24 agostu 2022 (TATOLI)–Governu liuhosi reuniaun Konsellu Ministru (KM), kuarta ne’e aprova projetu rezolusaun Governu, ne’ebé aprezenta hosi Ministru Finansa, Rui Augusto Gomes, kona-ba apoiu finanseiru ba realizasaun atividade resesaun no komemorasaun ba elevasaun Dom Virgílio do Carmo da Silva, hanesan Kardeál.
“Ita prova ona finanseiru ho valór hamutuk $220.732 ba realizasaun atividade sira, ne’ebé mai hosi dotasaun ba Governu tomak no hafoin selebrasaun uluk akordu subvensaun públika entre Governu no Konferénsia Episkopál Timor-oan,” Ministru Prezidénsia Konsellu Ministru interinu, Rui Augusto Gomes, relata hafoin reuniaun ezekutivu, iha Palásiu Governu.
Notísia relevante: Ohin, kardeál eleitu Don Virgílio arranka bá Vatikanu
Nia dehan, Governu valoriza signifikativu jestu ida-ne’e hosi prezensa no importánsia Igreja Katólika nian iha sosiedade timor-oan, no asosia iha momentu moris koletiva hodi apoia no komemora atividade resesaun Dom Virgílio do Carmo da Silva hanesan kardeál timor-oan dahuluk.
Elevasaun Dom Virgílio do Carmo da Silva ba Kardeál sei hala’o iha konsistóriu loron 27 agostu tinan 2022, iha Vatikanu.
Jornalista : Antónia Gusmão
Editora : Julia Chatarina

