DILI, 24 agostu 2022 (TATOLI)—Ministru Finansa, Rui Augusto Gomes, hateten, Ministériu Finansa (MF) presiza instituisaun relevante atu pronúnsia ofisialmente katak sidadaun na’in-hitu ne’ebé daudaun iha hela Jakarta, Indonézia hotu ne’e vítima ba tráfiku umanu.
Ministériu Negósiu Estránjeiru no Kooperasaun (MNEK) foin lalais submete ona pedidu ida ba MF hodi foti orsamentu hosi verba dotasaun tudo Governu hodi haruka fila sidadaun timor-oan na’in-hitu
“Ami-nia resposta maka presiza instituisaun ida atu pronúnsia ofisialmente katak sidadaun na’in-hitu ne’e vítima ba tráfiku umanu mak bele liberta osan hodi lori sira mai (Timor),” Ministru Rui Gomes hateten hafoin reuniaun Konsellu Ministru (KM), iha Palásiu Governu, kuarta ne’e.
Notísia relevante: MNEK koopera ho INTERPOL salva traballadora timoroan na’in-hitu “terus” iha Dubai
Governante ne’e dehan, to’o agora MF seidauk simu dokumentu ofisiál ruma hosi instituisaun relevante, instituisaun ne’ebé pronúnsia maka Ministériu Justisa no instituisaun ne’ebé trata kona-ba tráfiku umanu.
Jornalista : Antónia Gusmão
Editora : Julia Chatarina
