DILI, 31 agostu 2022 (TATOLI)—Diresaun Nasionál Transporte Terrestre (DNTT) rekolla reseita hamutuk $2.007.030 ba kofre Estadu durante fulan-hitu, hahú janeiru to’o jullu 2022.
“Reseita ne’e mai hosi karta kondusaun, inspesaun veíkulu, transporte públiku, xapa espesiál, rejistu veíkulu, aprovasaun veíkulu importadu no seluk tan,” Diretór Nasionál Transporte Terrestre, Amándio do Rosário, informa ba Agência Tatoli, iha ninia knaar fatin, DNTT Balide, kuarta ne’e.
Notísia relevante: DNTT sei prodús blanku karta kondusaun 60.000 resin iha tinan ne’e
Reseita mak hanesan karta kondusaun $322.845, inspesaun veíkulu $498.095, transporte públiku $83.425, xapa espesiál $15.000, rejistu veíkulu $980.342, aprovasaun veíkulu $100.008, DSPL $5.625, DSPLOV $1.690.
“Osan sira ne’e selu iha banku, ne’ebé direitamente ba konfre Estadu, DNTT la kaer osan sira só halo prosesu de’it,” nia akresenta.
Jornalista : Arminda Fonseca
Editora : Julia Chatarina
