DILI, 06 setembru 2022 (TATOLI)-Eminénsia Dom Virgílio Kardeál do Carmo da Silva, husu ba grupu arte- marsiál sira atu promove kultura dame iha sosiedade.
“Ita haree reativa arte-marsiál mosu uniforme oinoin, membru sira hahú partisipa iha atividade sira hanesan igreja no nasaun nian, dalaruma ba iha parókia ruma iha kór oinoin, no asembleia igreja nian, ida-ne’e halo ita hetan forsa,” Eminénsia Dom Virgílio Kardeál do Carmo da Silva, hateten liuhusi omília iha Tasi-Tolu, Dili, tersa ne’e.
Nia haktuir, ezemplu ida-ne’ebé iha fulan hirak liubá, iha atividade igreja nian iha munisípiu balun membru hosi grupu arte-marsiál ho kór oinoin hamutuk lori krúz ba iha foho-leten mezmu todan maibé membru arte-marsiál hamutuk hodi unifika forsa hamutuk hodi serbisu hamutuk.
Eminénsia Virgílio Kardeál admira ho asaun membru arte-marsiál no arte marsiál oinoin ho forsa tau hamutuk atu halo ne’ebé parte ida kultura promove ona.
“Tan ne’e oportunidade ne’e husu ba líder arte-marsiál iha nível nasionál tún to’o baze hakarak atu propoin hadi’ak iha ita-nia foinsa’e hatene kaer liman serbisu hamutuk, espíritu diálogu, hadomi malu hodi kontinua nafatin,” nia apela.
“Maski kór la hanesan maibé hanesan tuir dokumentu fraternidade umana ne’ebé hasai deklarasaun hosi Amu Papa no líder relijaun izlámika ne’ebé Parlamentu Nasionál Timor-Leste mós adota ona rezolusaun ne’e. Ida-ne’e parte ida book ita hotu nia fuan no laran, liuliu foinsa’e iha papél atu eduka no orienta valór vertude kultura domin no dame,” Eminénsia Virgílio Kardeál hateten.
Tanba Maromak nia liafuan kontinua hanorin buka maneira foun oinsá promove dame no domin, dalaurma haree sosiedade nia leet buras ho problema.
Nune’e presiza promove nafatin kultura ne’e iha nível nasionál to’o ba suku, aldeia no ba sosiedade.
Notísia relevante: Eminénsia Don Virgílio Kardeál to’o ona iha Tasi-Tolu
Jornalista : Nelson de Sousa
Editór : Evaristo Soares Martins
