iklan

COVALIMA, POLÍTIKA

Governu la rekolla ona eroi no martir sira-nia restu mortál

Governu la rekolla ona eroi no martir sira-nia restu mortál

Restu mortál iha osoáriu, suku Odomau, postu administrativu Maliana, munisípiu Bobonaro. Imajen TATOLI/Sérgio da Cruz

COVALIMA, 06 setembru 2022 (TATOLI)–Governu liuhosi Sekretáriu Estadu Asuntu Veteranu Kombatente Libertasaun Nasionál, Júlio da Conceição “Loro Mesak”, hateten Governu sei la rekolla ona restu mortál ba eroi no martir sira, tanba mate hahú 1975 to’o 1999 sira-nia ruin buka la hetan ona.

Notísia Relevante: MAKLN sei haloot restu mortál 610 iha Same-Aileu-Quelicai-Metinaro

“Covalima ita rekola ona restu mortál 700-resin maibé seluk ita sei la fó tan biban para hodi rekolla tan, tanba mate 1975 to’o 1999 to’o agora tinan hira ona. Ita buka restu mortal sei iha ka lae serake ita atu tau fatuk iha kaixaun laran hodi ba haloot. Tanba ne’e, hosi ministériu sei la deside ona rekolla tan restu mortál, maibé sira-ne’ebe ita hatene iha bele foti,” Júlio da Conceição “Loro Mesak” hato’o liuhosi nia diskursu iha monumentu Setembru Negro iha Covalima, tersa ne’e

Maske iha Covalima iha ona osuáriu maibé osuáriu ne’e la merese ona atu haloot saudozu sira-nia restu mortal tanba kloot ho nune’e Governu sei konstrui tan osuáriu iha Aidantuik maibé agora seidauk halo konstrusaun tanba sei hein IGE dudu rai foin bele halo konstrusaun.

Tuir loloos halo ona kostrusaun momentu foun restu mortál sira maibé tanba sei hein resposta hosi IGE, tanba ne’e agora seidauk halo konstrusaun.

“Lolos ita bele halo konstrusaun maibé sei hein IGE fó resposta, sira mai dudu rai foin bele halo konstrusaun maibé kona-ba orsamentu depende ba enjiñeiru sira mai sukat mak ita bele hatene montante orsamentu la hanesan no balun iha rai ektare rua ho balun (2,5) to’o 10-resin,” nia dehan.

Notísia Relevante: PN aprova adisionál millaun $2,5 ba MAKLN haloot restu mortál

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!