iklan

BOBONARO, DEFEZA, HEADLINE, MUNISÍPIU, SEGURANSA

Autoridade defeza-seguransa diskute planu kontrola atividade ilegál iha Bobonaro

Autoridade defeza-seguransa diskute planu kontrola atividade ilegál iha Bobonaro

Autoridade defeza-seguransa diskute planu kontrola atividade ilegál iha Bobonaro. Imajen TATOLI/Sérgio da Cruz.

BOBONARO,08 setembru 2022 (TATOLI)- Autoridade defeza no seguransa iha munisípiu Bobonaro, kinta ne’e diskute kontrola movimentasaun atividade ilegál iha fronteira.

Komandante Komponente Terrestre hosi F-FDTL), Koronél José da Costa Soares ‘TRIX’, halo enkontru ho Komandante Polísia Nasionál Timor-Lestes (PNTL)  munisípiu Bobonaro, Superintendente Polísia Antóninho Mauluta, hodi diskute planu kooperasaun Ssrbisu área seguransa nian hodi kontrola atividade ilegál iha iha liña fronteira terrestre munisípiu refere.

Notísia relevante: PNTL Bobonaro detein sidadaun hatama sasán ilegál

“Ita-nia PNTL no ita-nia forsa sira oinsá iha terrenu ne’e atu serbisu hamutuk hodi tau matan likus ba liña fronteira, liuliu ioras ne’e dadaun ko’alia dehan katak ilegál krosing ne’e, instituisaun rua ne’e sei serbisu hamutuk iha terrenu, atu tau matan ba komunidade sira halo tranzaksaun ilegál,” Komandante PNTL munisípiu Bobonaro, Superintendente Antóninho Mauluta informa.

Iha enkontru ne’e Koronél ‘TRIX’ mós promete hafoin halo diálogu sei fó  pose ba komandante batallaun sira atu destaka lidera membru sira iha fronteira hodi apoia serbisu Unidade Patrullamentu Fronteira (UPF) inklui Batallaun Orden Públika (BOP), Komapañia Delta, Soso, Maliana atu halo prevensaun ba atvidade merkadoria ilegál ba sasán kontra bandu sira inklui droga.

Durante ne’e autoridade seguransa detein sidadaun sira tanba hatama sasán kontra bandu sira hanesan, gazolina no gazoel, sigarru marka surya 12, sigaaru arrow black, joker pohon sagu, sasán kulturál hanesan belak-mutin no mean,;kelu no seluk tán.

Nune’e mós kilat manu hosi Atambua, munisípiu Belu, provínsia Nusa Tengara Timur (NTT), Repúblika Indonézia.

Enkuantu área ne’ebé risku ba atividade no movimentasaun ilegál iha munisípiu Bobonaro mak postu administrativu Lolotoe iha suku Lebos.

Nunee mós postu administrativu Maliana, areá Tunubibi, Nunura to’o suku Tapo-Memu no Saburai. Enkuantu postu administrativu Balibo mak área Badut-Mean, suku Cowa no suku Batugade.

Notísia relevante: UPF halo apreensaun ba belak 494 iha Palaka

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!