iklan

HEADLINE, MUNISÍPIU, VIQUEQUE

MTKI konvida foin-sa’e Viqueque partisipa kompetisaun negósiu inovativu

MTKI konvida foin-sa’e Viqueque partisipa kompetisaun negósiu inovativu

Ilustrasaun negósiu inovativu. Imajen/Espesiál

VIQUEQUE, 08 setembru 2022 (TATOLI)–Ekipa hosi Ministériu Turizmu Komérsiu no Indústria (MTKI), kinta ne’e, konvida foin-sa’e kreativu sira iha munisípiu Viqueque atu partisipa másimu kompetisaun negósiu inovativu ne’ebé daudaun ne’e loke hela.

“Ami hakarak husu joven foin-sa’e sira bele partisipa iha opportunidade kompetisaun negósiu inovativu hosi Ministériu Turizmu Komérsiu no Indústria,” Tékniku Ligasaun Negósou hosi MTKI, Hélio Faria de Jesus, hateten iha salaun IADE munisípiu Viqueque, kinta ne’e.

Kompetisaun negósiu inovativu 2022 ba datoluk ho tema ‘Promove diversifikasaun ekonomia hosi baze’ nu’udar programa ne’ebe implementa ein parseria entre Governu liuhosi MTKI, Institutu Apoiu Dezenvolvimentu Emprezariál (IADE) ho Programa Nasaun Unida ba Dezenvolvimentu (PNUD) no Ajénsia Kooperasaun Internasionál Koreia (KOICA, sigla inglés)  liuhosi projetu Youth Employment and Entrepreneurship Skills (YEES) ne’ebé mai ho objetivu atu fó oportunidade no eleva foin-sa’e sira esplora poténsia iha área negósiu hodi kontribui ba kresimentu ekonomia Timor-Leste liuhosi hasa’e numeru emprezáriu foin-sa’e sira iha área mikro, pekena no médiu empreza.

“Programa Kompetisaun negósiu inovativu ne’e hanesan programa kontinuasaun atividade anteriór iha tinan 2021, ho objetivu atu kontinua fó apoiu kapasitasaun no ekipamentu ba foin-sa’e sira ne’ebé mai ho idea úniku, diferente no inovativu relasiona ho negósiu,” nia akresenta.

Notísia relevante: MTKI lansa kompetisaun negósiu inovativu iha Baucau

Negósiu hirak ne’e ho intensaun atu motiva joven sira investe iha setór produtivu hanesan agrikultura, peska, komérsiu, indústria, turizmu, teknolojia no inovasaun ai-han ne’ebé orienta ba impaktu sosiál no fó valór a’as ba ekonomia rai-laran hodi kontribui rezolve problema komunidade.

Kritéria ba kompetisaun maka joven feto no mane ho nasionalidade timor-oan ho idade hahú hosi 18 to’o 35, mai ho idea nogósiu inovativu iha setór produtivu hanesan agrikultura, peska, indústria, komérsiu, turizmu, teknolojia no inovasaun ai-han.

Prioridade ba joven sira ne’ebé mak iha munisípiu Manatuto, Baucau, Lautém no Viqueque, ne’ebé foin-sae sira ne’ebé iha kreatividade no iha ideia inovativu atu hahú negosiu sosiál (start-up no ezistente).

Iha fatin hanesan kompetitór hortikultura Viqueque, José Amaral, husu Governu nafatin implementa programa kompetisaun sira to’o postu, labele iha munisípiu de’it tanba joven barak maka ladún hetan informasaun.

“Ha’u husu ministériu realiza kompetisaun sira-ne’e tenke to’o iha baze nune’e ita-nia joven sira partisipa no hatudu sira-nia kreativu hodi kontribui ba ekonomia rai-laran. Ha’u agora kompete iha negósiu inovativu ne’e ha’u hili agrikultura tanba daudaun halo hela ortikultura iha suku Uma-kiik, postu Viqueque vila,” nia tenik.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!