iklan

NASIONÁL, KAPITÁL

Konstrusaun moru protesaun ba mota ulun Becora atinje ona 85%

Konstrusaun moru protesaun ba mota ulun Becora atinje ona 85%

Kompañia Santana Diak Unipesoál, Lda, konstrui moru protesaun iha Mota Ulun Becora. Imajen Tatoli/Nelia Fernandes.

DILI, 09 setembru 2022 (TATOLI)—Mandór Kompañia Santana Diak, José Ximenes, informa prosesu konstrusaun moru protesaun ba mota iha aldeia Mota Ulun, suku Becora, munisípiu Dili, atinje ona 85%.

Notísia Relevante: Governu hahú konstrui moru protesaun ba mota ulun Becora

“Ita-nia servisu ba konstrusaun moru protesaun agora iha ona 85%, hela de’it uitoan. Ne’ebé, ami mós esforsu la to’o semana rua hanesan bele konklui ona,” José Ximenes hateten ba Agência Tatoli, iha Mota Ulun, Becora, Díli, sesta ne’e.

Tuir nia, durante prosesu ba konstrusaun moru protesaun ba mota ulun Becora, mosu fallansu uitoan hosi Tékniku Obra Públika, ne’ebé momentu mai sukat, ho ida-ne’e mak metru 250 ne’ebé iha sei aumenta tan metru ida (1) ba leten.

“Metru ida sa’e ba leten mós tuir ami-nia haree komunidade komplein hela, tanba se aumenta metru ida ba leten aas liu estrada, entaun udan mai impaktu ba estrada. Maibé, hakarak ka lakohi ami kompañia servisu ho Obra Públika tenke halo tuir Planta no Kadernu Enkargu (BoQ) ne’ebé mai hosi Obra Públika,” nia dehan.

Maske nune’e, iha prosesu konstrusaun ba moru protesaun ho naruk metro 300 ne’e, hanesan parte liman karuk metru 50 no parte liman kuana metr 250.

“Agora daudaun konstrusaun moru protesaun iha parte liman karuk ho metru 50 finaliza ona no parte liman kuana metru 250 ne’e hela uituan. Tanba ne’e, ami esforsu la to’o semana rua bele finaliza ona,” nia esplika.

Jornalista : Nelia Fernandes

Editór      : Cancio Ximenes

iklan
iklan

Leave a Reply

iklan
error: Content is protected !!