iklan

DILI, INKLUZAUN SOSIÁL

AHDMTL husu Japaun konstrui sentru formasaun ba EhD

AHDMTL husu Japaun konstrui sentru formasaun ba EhD

Diretór Interinu AHDMTL, Gabriel Ponciano de Sousa. Imajen Tatoli/Francisco Sony

DILI, 12 setembru 2022 (TATOLI)—Diretór Interinu Asosiasaun Halibur Defisiénsia Matan Timor-Leste (AHDMTL), Gabriel de Sousa, hateten AHDMTL husu apoiu ba embaixada Japaun iha Timor-Leste atu halo konstrusaun sentru formasaun ba Ema ho Defisiénsia (EhD) iha Liquiça.

Notísia Relevante: Presiza dezenvolve edukasaun inkluzivu ba EhD iha Timor-Leste

“Ita hasoru malu ona ho embaixada Japaun iha Timor-Leste atu husu apoiu ba sira hodi halo konstrusaun sentru formasaun ba ita-nia maluk EhD iha Liquiça,” Diretór AHDMTLne’e  hateten ba Agência Tatoli, liuhosi telefónika, segunda ne’e.

Responsável ne’e hatutan Sentru formasaun ne’e ba Ema ho Defisiénsia (EhD) sira iha territóriu nasionál hodi asesu no kapasita hodi hasa’e ema ho defisiénsia sira-nia koñesimentu iha área edukasaun nian.

“Ita hein katak iha futuru parte rua ne’e bele kolabora no koopera di’ak liután, nune’e Ema ho Defisiénsia (EhD) mós bele asesu ba edukasaun,” nia dehan.

Tanba ne’e, hosi AHDMTL buka hela dalan atu sira hirak ne’ebé ramata oma edukasaun inkluzivu faze dalimak ne’e bele kontinua no bele ramata faze daneen ne’e.

Nia esplika, edukasaun inkluzivu ba faze lima ne’e hanesan ho pre-sekundária sira no faze daneen ne’e hanesan ensinu sekundária, tanba daudaun ne’e ema ho defisiénsia matan foin na’in-25 mak remata ona hosi faze dalimak nian.

Antes ne’e, Diretór sesante AHDMTL, Gaspar Afonso, informa Ema ho Defisiénsia (EhD) sira iha Timor-Leste seidauk asesu edukasaun inkluzivu ho másimu.

“To’o agora Ema ho Defisiensia sira seidauk asesu edukasaun inkluzivu ho másimu. Tanba ne’e, ita presiza dezenvolve área edukasaun maibé edukasun ida-ne’ebé mak inkluzivu liu iha sosiedade no Timor-Leste. Tanba, ita bele dehan Ema ho Defisiensia matan ne’e sensitivu tebes tanba labele asesu ba buat hotu-hotu,” Gaspar Afonso hateten.

Tuir dadus hosi AHDMTL haktuir, iha tinan 2011-2021, totál ema ho defisiénsia matan iha Timor-Leste hamutuk 277 ne’ebé kompostu hosi feto na’in-132 no mane hamutuk na’in-145.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!