iklan

COVALIMA, POLÍTIKA

Governu husu komunidade fó informasaun loloos ba enumeradór

Governu husu komunidade fó informasaun loloos ba enumeradór

Enumeradór na’in-170 iha Munisípiu Covalima preparadu foti dadus sensu populasaun. Imajen/Celestina Teles.

COVALIMA, 12 setembru 2022 (TATOLI)–Governu liuhosi Dirasaun Jerál Estatistika  Covalima husu ba komunidade Covalima fó informasaun ne’ebé loloos ba enumeradór sira, nune’e bele prodús dadus liuhosi sensus populasaun ho akuradu.

Notísia Relevante:  Enumeradór Covalima hahú prepara foti dadus sensu populasaun 2022

“Ha’u husu ba komunidade iha área rurál no urbana, ita-tenke atende ita-nia enumeradór mai hosi ita-boot sira-nia suku rasik atende ho di’ak no fó informasaun loloos bazea ba pergunta ne’ebé sira husu mai-ita atu responde ho di’ak,” Xefe Departamentu Servisu Estatistika Munisípiu Covalima, Fernando Perreira, informa ba Agência Tatoli, iha nia kna’ar fatin Tabakolot, segunda ne’e.

Sensus Populasaun iha territóriu Nasionál hahú hala’o iha loron 05 fulan-setembru ne’ebé sei ramata iha loron 05 fulan-outubru tinan 2022, maibé iha munisípiu Covalima enumeradór sira hahú hala’o sensu populasaun durante semana-ida.

Durante enumoradór sira hala’o servisu ba loron dahuluk tékniku sira hasoru difikuldade, tanba iha  área rurál internet ladun di’ak maibé  agora la’o normál ona.

“Maske sensu populasaun la’o durante semana ida ona, to’o ohin loron ita seidauk hetan sentru data (data center) fiksu hosi enumeradór sira-ne’ebé koordenadór atu relata mai iha munisípiu foin mak halo relatóriu,” nia dehan.

Tanba, durante enumeradór sira halo sensu la’o ho di’ak bainhira halo entrevista ho komunidade laiha problema hodi fó informasaun bazea ba pergunta ne’ebé mak enumeradór sira husu.

Enumeradór iha munisípiu Covalima hamutuk na’in-170 no hosi númeru ne’e sepervizór na’in-37 tanba Governu rekruta bazea ba nesesidade .

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!