iklan

EKONOMIA, HEADLINE

Governu planeia inaugura projetu turizmu komunitáriu iha suku-lima tinan ne’e

Governu planeia inaugura projetu turizmu komunitáriu iha suku-lima tinan ne’e

Fatin Turizmu Komunitáriu iha Seloi Kraik. Imajen Tatoli/Natalino Costa

DILI, 12 setembru 2022 (TATOLI)—Diretór Jerál Turizmu hosi Ministériu Turizmu Komérsiu no Indústria (MTKI), Jelino Soares, hateten, Governu planeia inaugura projetu turizmu komunitáriu ne’ebé implementa ona iha suku lima iha tinan kotuk.

“Tinan ida-ne’e tuir planu sei halo inaugurasaun hotu tanba daudaun ne’e projetu balun atinje ona 70%, 80% no balun hotu ona atu tama inaugurasaun maibé sei hein Ministru fila hosi Cambódia mak foin realiza serimónia,” Diretór Jerál Turizmu hateten ba Agência Tatoli iha ninia knaar fatin, Farol, segunda ne’e.

Suku lima ne’ebé implementa ba programa pilotu ne’e mak hanesan suku Maubisse postu administrativu Ainaro Vila hetan orsamentu hetan $41.070, suku Nunumoge, postu administrativu Hatubuilico hetan osan $49.765 no suku Uaimoritu postu administrativu Viqueque Vila hetan osan $16,000, suku Uailili postu administrativu Baucau vila hetan osan $100.200no suku Seloi, postu administrativu Aileu $49.900.

Notísia relevante: Projetu turizmu komunitáriu iha suku lima atinje ona 70%

Nia dehan, projetu turizmu iha suku lima ne’e presiza finaliza ona hodi tinan ne’e bele foku fali ba projetu komunitáriu foun.

“Tinan ne’e asina tan kontratu programa tolu hanesan turizmu komunitáriu, Kafé mambae no programa rezisténte ba tinan 2022, atu dezenvolve fatin turizmu komunitáriu ne’ebé iha poténsia atu fó reseita no planu ne’ebé ita hakarak sei implementa ba suku sira iha Timor laran tomak ne’ebé iha poténsia,” nia akresenta.

Governu implementa programa sira ne’e ho objetivu fó benefísiu ba komunidade tanba konseitu turizmu komunitáriu ne’e komunidade mak sei sai na’in.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!