iklan

EDUKASAUN, HEADLINE

Konstrusaun Eskola CAFE tolu hahú daudaun ho kustu millaun $3

Konstrusaun Eskola CAFE tolu hahú daudaun ho kustu millaun $3

Eskola CAFE Manatuto. Imajen/Espesiál

DILI, 12 setembru 2022 (TATOLI)—Konstrusaun Eskola Centro e Formação e Aprendizagem Escolar (CAFE) tolu iha munisípiu Liquiçá, Ainaro no Covalima hahú daudaun ona ho kustu millaun $3.

Tuir Diretór Nasionál Dezenvolvimentu Parke Eskolár (DNDPE) hosi Ministériu Edukasaun Juventude no Desportu (MEJD), Agostinho Soares, ministériu planeia ona atu harii edifísiu CAFE foun lima iha tinan ne’e, maibé iha Dili no Manufahi seidauk bele realiza.

“Eskola CAFE lima ne’e ninia orsamentu mai hosi fundu infraestrutura, maibé daudaun eskola CAFE tolu mak la’o ona,” Diretór informa ba Agência Tatoli, iha edifísiu MEJD, Vila Verde, segunda ne’e.

Notísia relevante: DNDPE kontinua konstrusaun foun eskola CAFE lima iha tinan 2023

Iha fulan kotuk, lansa konstrusaun iha Eskola CAFE Covalima no foin lalais empreza ne’ebé toma-konta konstrusaun hato’o pedidu ba DNDPE hodi husu ekipa téknika no enjeñeiru hosi MEJD nia prezensa atubele hahú ona prosesu aliserse bázika eskola.

“Eskola CAFE Dili no Manufahi nian maka semana balun tan bele anúnsia ona rezultadu konkursu públiku,” nia akresenta.

Enkuantu, Eskola CAFE Lautém maka to’o agora seidauk iha empreza ida sai manán-na’in tanba ne’e ministériu loke filafali konkursu tanba orsamentu ba eskola ne’e millaun $1 resin.

“Entaun ezije empreza ne’ebé atu kaer konstrusaun tenke iha kapasidade, tanba ne’e maka prosesu hotu hahú la’o filafali,” nia tenik.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!